14 ବାତେଙ୍କ୍ ଇତ୍କେ ପାଣ୍ଡୁମ୍ତେ ଆଦା ଦିନାମ୍ ତେର୍ତେପେୟ୍, ଜିସୁ ମନ୍ଦିର୍ତାଗ୍ ଆଞ୍ଜ୍ ଶିକ୍ଷା ହିଦାଙ୍କ୍ ପସ୍ପ୍ତଣ୍ଡ୍ । 15 ଆସୁଟେ ଯିହୁଦୀ ନେତାଲଡ଼୍ ଦାଦ୍ରେଲି କେତ୍ତଡ଼୍, "ହିଣ୍ଡ୍ ପାଟ୍ କାର୍ୱକଟ୍ ବେଲା ହିସର୍ ବିଷୟ୍ ପୁତ୍ତଣ୍ଡ୍ ?"
16 ଆସୁଙ୍କ୍ ଜିସୁ ଅଡ଼୍କିଂଙ୍କ୍ ଉତ୍ତର୍ ହିତ୍ତଣ୍ଡ୍, "ନାୟାଦ୍ ଶିକ୍ଷା ନାୟାଦ୍ ନିଜ୍ତାଦ୍ ଆୟ୍ୟ, ବାତେଙ୍କ୍ ଇତ୍କେ ନାକିଂଙ୍କ୍ ରହତେନଣ୍ଡ୍ ଇଶ୍ୱର୍ତେ କନ୍ସ୍ ୱାସ୍ମିନ୍ଦେ । 17 ବେନଆଇ ଯଦି ଇଶ୍ୱର୍ତେ ଇଚ୍ଛା ସାଦନ୍ ମାଡ଼ାଙ୍କ୍ ଇଚ୍ଛାମାଡ଼ୁତନ୍, ଆଲାଇତ୍କେ ହି ଶିକ୍ଷା ଇଶ୍ୱରତାଗାଙ୍କ୍ ତିଆର୍, ନା ନାନ୍ ନା ନିଜର୍ତାଗାଙ୍କ୍ କେତୁତାନ୍, ଆଦ୍ ଅଣ୍ଡ୍ ପୁନ୍ତଣ୍ଡ୍ । 18 ବେନ ନିଜେତ୍ ତାଗାଙ୍କ୍ କେତିତଣ୍ଡ୍, ଅଣ୍ଡ୍ ନିଜେତ୍ ଗୌରବତିଙ୍କ୍ ମେହ୍କିତନ୍, ବାତେଙ୍କ୍ ଇତ୍କେ ବେନ ନିଜେତ୍ ପ୍ରେରଣାକର୍ତ୍ତାନ୍ ଗୌରବ୍ ମେହ୍କିତନ୍, ଅଣ୍ଡ୍ ସତ୍, ମେଣ୍ଡେ ଅନାଗେ ବାତେମେଣ୍ଡେ ବିଶ୍ୱାସ୍ ଇଲେ ।
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)