ସତ୍ ମିକିଂଙ୍କ୍ ମୁକ୍ତ ମାଡ଼ିତେ
31 ତାନ୍ପେର୍କେ ଜିସୁ ଅନାଗ୍ ବିଶ୍ୱାସ୍ ମାଡ଼ମାନ୍ଦାନ୍ ଯିହୁଦିନଡ଼୍କ୍ କେତ୍ତଣ୍ଡ୍; "ଯଦି ନାୱାଦ୍ ବାକ୍ୟ ନିଜାମ୍ ପାଲନ୍ ମାଡ଼ିତିଡ଼୍, ଆଲେକେ ମିଡ଼୍ ସାରେଦାମ୍ ନା ଶିଷ୍ୟଡ଼ି, 32 ମେଣ୍ଡେ ମିଡ଼୍ ସତ୍ ପେଇତିତିଡ଼୍ ନୁ ଆଦ୍ ସତ୍ ମିକିଂଙ୍କ୍ ମୁକ୍ତମାଡ଼ିତେ ।"
33 ୮:33 ମାତିଉ 3:୯; ଲୁକ 3:୮. ଅଡ଼୍ ଅଂକିଙ୍କ୍ ଉତ୍ତର୍ ହିତ୍ତଡ଼୍, "ମାମ୍ମେ ଅବ୍ରାହାମ୍ ବଂଶତେ ନାରୁମ୍, ମେଣ୍ଡେ ବେସୁଙ୍କ୍ ମିକା ବେନନ୍ ଦାସ ଆୟୱାଡ଼୍, ଆଲେକେ ମିଡ଼୍ ମୁକ୍ତ ଆଦ୍ତିଡ଼୍ ଇଞ୍ଜ ମିଡ଼୍ ବେଲାକେତୁତିଡ଼୍ ?"
34 ଜିସୁ ଅଡ଼୍କ୍ ଉତ୍ତର୍ କେତ୍ତଣ୍ଡ୍, "ସତ୍ ନାନ୍ ମିକିଂଙ୍କ୍ କେତୁତାନ୍, ବେନବା ପାପ୍ ମାଡ଼ିତନ୍, ଅଣ୍ଡ୍ ପାପ୍ ତେ ଦାସ । 35 ଦାସ ସାରେ ଦିନାତାତ୍ ସେଙ୍ଗେ ପରିବାର୍ତେ ୱେରନ୍ ଆସ୍ମାନନ୍ । ବାତେଙ୍କ୍ଇତ୍କେ ପରିବାର୍ତେ ମାର୍ଦେ ପଡ଼ିୟେ ସାରେଦିନା ମାନ୍ତେ । 36 ମାର୍ ଯଦି ମିକିଂଙ୍କ୍ ମୁକ୍ତ ମାଡ଼ିତନ୍, ଆଲେକେ ମିଡ଼୍ ପ୍ରକୃତ୍ରେ ମୁକ୍ତ ଆସ୍ମାନ୍ତିଡ଼୍ ।