46 ତାନ୍ ପେର୍‍କେ ମରୀୟମ୍‍ କେତ୍‍ତେ,

"ନା ଜିୱେ ପ୍ରବୁନ୍ ପ୍ରସଂଶା ମାଡୁତେ,

47 ମେଣ୍ଡେ ନାୱାଦ୍ ଆତ୍ମା ନା ତ୍ରାଣକର୍ତ୍ତାଲ୍ ଇଶ୍ୱର୍‌ତାଗ୍ ସାର୍‍ଦେ ମାଡ଼ମିନ୍ଦେ;

48 ଆଦିନ୍ ସେଙ୍ଗେ ନାନ୍ ୱେରନ୍ ସୁଦୁର୍ ଦାସୀ ହାତ୍କେମିକା ଅଣ୍ଡ୍‌ ନାକିଂଙ୍କ୍ ହେର୍କା ମାଡ଼୍‍ତଣ୍ଡ୍, ଇଞ୍ଜେ ସାରେତଡ଼୍ ନାକିଂଙ୍କ୍ ୱେଡ଼୍‍କେ ନାରୁଡ଼୍ ଇଞ୍ଜ କେତିତଡ଼୍ ।

ମେଣ୍ଡେ ଉଡ଼ାଟ୍, ଯୁଗ୍‍ଯୁଗ୍ ମାନେଇ ସାର୍‍ରେତଡ୍ ନାକିଂଙ୍କ୍ ଦନ୍ୟ ହିଞ୍ଜ କେତିତଡ଼୍‍,

49 ବାତେଙ୍କ୍ ଇତ୍କେ ସାରେତିଙ୍କ୍‍ ଶକ୍ତିନଣ୍ଡ୍‌ ଇଶ୍ୱର, ଅଣ୍ଡ୍‌ ନା ସେଙ୍ଗେ ମହାନ୍‍ କାମ୍‍ ମାଡ଼୍‍ତଣ୍ଡ୍;

ଅନ୍‌‍ୱାଦ୍ ପେଦେର୍ ପବିତ୍ର,