10 ୱେରନ୍ ୱାସ୍ତେ କାଇତେନଣ୍ଡ୍ ଆଗେ ମାତ୍ତଣ୍ଡ୍ । ଜିସୁନ୍ ଦଷ୍ ପୟିତାନ୍ ସେଙ୍ଗେ ମାନ୍ଦେ ନାରୁଡ଼୍ ଆଗେ କେପିମାତ୍ତଡ଼୍ । ଅଡ଼୍ ଜିସୁଙ୍କ୍ କେତ୍ତଡ଼୍, ବିଶ୍ରାମ୍ ଦିନ୍ ସୁସ୍ଥ ମାଡ଼ାନାଦ୍ ଶାସ୍ତ୍ର ବିରୁଦ୍ ଆୟ୍ୟ କି ?
11 ୧୨:୧୧ ଲୁକ ୧୪:୫. ଜିସୁ ଉତ୍ତର୍ ଇସ୍ କେତ୍ତଣ୍ଡ୍, "ବିଶ୍ରାମ୍ଦିନ୍ ଯଦି ମିୟାଦ୍ ମେଣ୍ଢା ୱେରଡ଼୍ ଗୁଇନ୍ଦେତାଗ୍ ରାଲିତ୍, ମିଡ଼୍ ଆଦିଙ୍କ୍ ତେସ୍ ତାଡ଼୍ୱିଡ଼୍କି ? 12 ୱେରନ୍ ନାରୁନ୍ ମୁଲ୍ୟ ୱେରଡ଼୍ ମେଣ୍ଢେତ୍ ମୁଲ୍ୟତ୍ ୱିଡ଼୍ସି ଗାଟି ଅଦିକ୍ । ଆଲେକେ ବିଶ୍ରାମ୍ଦିନ୍ ମେଣ୍ଡ୍ଅର୍ତିଙ୍କ୍ ସାହାଯ୍ୟ ମାଡ଼ାନାଦ୍ ମାୟାଦ୍ ଶାସ୍ତ୍ରତାଗ୍ ପାଡ଼୍ୟି ।" 13 ଆଦ୍ କେସ୍ ଅଣ୍ଡ୍ କାୟ୍ ୱାତିମାନ୍ଦାନ୍ ନାରୁଙ୍କ୍ କେତ୍ତଣ୍ଡ୍, "କାୟ୍ ତିନାଙ୍କ୍ ମାଡ଼େ ।" ନାରୁନ୍ କାୟ୍ ତିନାଙ୍କ୍ ମାଡ଼ାନ୍ ସାଙ୍ଗେ ସାଙ୍ଗେ ଆଦ୍ କାୟ୍ ମେଣ୍ଡନ୍ କାୟ୍ ଇନା ସୁସ୍ଥ ଆତ୍ତେ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)