ମାତିଉ 12

ଜିସୁନ୍ ୟାୟ୍‍ ନୁ ଦାଦାଲଡ଼୍

46 ଜିସୁ ନାରୁଡ଼୍ ତଡ଼୍ ଗଟିଆଦାନ୍ ୱେଲେ ତାନ୍ ୟାୟ୍‍ ନୁ ଦାଦାଲଡ଼୍‍ ଆଦ୍ ପଡ଼ିୟେତାଗ୍ ହେଉସ୍ ଅଂକିଙ୍କ୍‌ କେତାନଙ୍କ୍ ବାଇଦେ କେପି ଅଂକିଙ୍କ୍‌ କାର୍‍ଙ୍ଗ୍‍ତଡ଼୍ । 47 ୱେରନ୍ ନାରୁନ୍ ୱାସ୍ ଜିସୁଙ୍କ୍ କେତ୍‍ତଣ୍ଡ୍‍, "ଉଡ଼େ, ନି ୟାୟ୍‍ ନୁ ଦାଦାଲଡ଼୍‍ ନି ସେଙ୍ଗେ ବାଇଦେ କେପ୍‍ତଡ଼୍ ।"

48 ଜିସୁ ଉତ୍ତର୍ କେତ୍‍ତଣ୍ଡ୍‍, "ବେନ ନା ୟାୟ୍‍ ନୁ ବେନ ନା ଦାଦାଲ୍ ?" 49 ଶିଷ୍ୟନଡ଼୍ ପାକେ କାୟ୍ ତଅସ୍ କେତ୍‍ତଣ୍ଡ୍‍, "ହିଡ଼୍ ଆଦୁତଡ଼୍‍ ନା ୟାୟ୍‍ ନୁ ନା ଦାଦାଲଡ଼୍‍ । 50 ବେନ ଆୟି ନା ସ୍ୱର୍ଗତେ ବାବାନ୍ ଇଚ୍ଛା ଲେକାମ୍ ମାଡ଼ିତନ୍, ଅଣ୍ଡ୍‌ ନା ଦାଦାଲ୍, ନା ଏଲାଡ଼୍‍ ନୁ ନା ୟାୟ୍‍ ।"