43 "‘ସାଙ୍ଗଡ଼୍କ୍ ପ୍ରେମ ମାଡ଼ାଟ୍, ଶତ୍ରୁଡ଼୍କ୍ ପାସ୍କାଟ୍ ।’ ଇଦ୍ ଶିକ୍ଷା ମୁନେନ୍ କେଞ୍ଜ୍ତିଡ଼୍ ।" 44 ବାତେଙ୍କ୍ ଇତ୍କେ ନାନ୍ ମିକିଂଙ୍କ୍ କେତୁତାନ୍ ଶତ୍ରୁଡ଼୍କ୍ ପ୍ରେମ ମାଡ଼ାଟ୍ । ବେନଡ଼୍ ମିକିଂଙ୍କ୍ ତାଡ଼ନା ମାଡ଼ିତଡ଼୍ ଅଡ଼ାଦ୍ ଲେକେତ୍ ସେଙ୍ଗେ ପ୍ରାର୍ତନା ମାଡ଼ାଟ୍ । 45 ଇଦ୍ ରକମ୍ ମାଡ଼୍କେ ଇଶ୍ୱର୍ତେ ମାର୍ ହିଞ୍ଜ ପୁନ୍ତଡ଼୍ । ବାତେଙ୍କ୍ ଇତ୍କେ ଇଶ୍ୱର୍ ଲେକେତ୍ ନୁ କାରାପ୍ ରେଣ୍ଡ୍ ଲେକାତ୍ ନାରୁଡ଼୍କ୍ ପଡ଼୍ଦ୍ ୱେସ୍ ହିଦ୍ତଣ୍ଡ୍ ନୁ ସାୟେତ୍ ପାଡ଼ିୟିଦେ ନଡ଼୍କିଙ୍କ୍ ସାରେତଡ଼୍କିଂଙ୍କ୍ ୱାର୍ସାମ୍ ମାଡ଼ିତନ୍ । 46 ମାତର୍ ମିକିଂଙ୍କ୍ ସାୟେ ଇଞ୍ଜ କେତାନଡ଼୍କିଙ୍କ୍ ପ୍ରେମ୍ ମାଡ଼ିତଡ଼୍, ଇଶ୍ୱର୍ ବାତେଙ୍କ୍ ମିକିଂଙ୍କ୍ ପୁରସ୍କାର୍ ହିଦ୍ତଣ୍ଡ୍ ? କର ଆଦାୟ୍ ମାଡ଼ାନଡ଼ି ମିକା ଆଦ୍ଲେକାମ୍ ମାଡ଼ିତଡ଼୍ । 47 ଯଦି ମିଡ଼୍ ତାମୁଣ୍ଡ୍ ତଡ଼୍ ତିର୍ୟିତିଡ଼୍, ଆଲେକେ ମିଡ଼୍ କି ବାକ୍ୱା ପାଡ଼୍ୟି ମାଡ଼ୁତିଡ଼୍ ? ବିଶ୍ୱାସ୍ ମାଡ଼୍ୱେ ନାରୁଡ଼୍ ମିକା ଆଦ୍ ରକମ୍ ମାଡ଼ିତଡ଼୍ । 48 ସ୍ୱର୍ଗତଣ୍ଡ୍ ମି ବାବାଲ୍ ବେଦ୍ପୁଟୁଙ୍କ୍ ପବିତ୍ର, ମିଡ଼୍ ଆନ୍ତେ ଆଦେପୁଟୁଙ୍କ୍ ପବିତ୍ର ଆଦାନ୍ ଦର୍କାର୍ ।
Publicidade