21 "ବେନଡ଼୍ ନାକିଂଙ୍କ୍ ‘ପ୍ରବୁ, ପ୍ରବୁ’ ଇଞ୍ଜ କାର୍ଙ୍ଗୁତଡ଼୍, ଅଡ଼୍ ସାରେତଡ଼୍ ସ୍ୱର୍ଗରାଜ୍ୟତାଗ୍ ଆଦାନଙ୍କ୍ ପାର୍ୱଡ଼୍ । ବେନଡ଼୍ ବାବାଲ୍ ଇଶ୍ୱର୍ ଲେକାମ୍ତେ ପାଡ଼୍ୟି ମାଡ଼ିତଡ଼୍, ମାତର୍ ଅଡ଼୍ ସ୍ୱର୍ଗରାଜ୍ୟତାଗ୍ ଆଦ୍ଦେ ପାର୍ଦ୍ତଡ଼୍ ।" 22 ବେଡ଼୍ୟାଦ୍ ବିଚାର୍ ଦିନ୍ ହେୱୁକ୍କେ ନାର୍ଗେ ନାରୁଡ଼୍ ନାକିଂଙ୍କ୍ କେତିତଡ଼୍, "ପ୍ରବୁ, ନି ପେଦେର୍ତେ ମାମ୍ମେ ଇଶ୍ୱର୍ତେ ଲେକେତ୍ କବର୍ କେତୁତମ୍, ପ୍ରବୁ, ନି ପେଦେର୍ତେ ବୁତ୍ ୱିଡ଼୍ସ୍ପୁତମ୍ ମେଣ୍ଡେ ନାର୍ଗେ ବାକ୍ୱା ପାଡ଼୍ୟି ମାଡ଼୍ତମ୍ ।" 23 ଆସୁଟେ ଅଡ଼୍କିଂଙ୍କ୍ ନାନ୍ କେତିତାନ୍, "ମିକିଂଙ୍କ୍ ନାନ୍ ପୁନନ୍ । ଆଦାର୍ମି ନାରୁଡ଼ି, ନାୟାଗାକନ୍ସ୍ ଜେକେ ଆନୁଟ୍ ।"
ରେଣ୍ଡ୍ ଲକ୍ ତିଆର୍ ମାଡ଼ାନଣ୍ଡ୍
(ଲୁକ ୬:୪୭-୪୯)