17 ବେନ ମିଇ ସେଙ୍ଗେ ଅନ୍ୟାୟ୍ ମାଡ଼୍କେ, ମିଡ଼୍ ଅଂକିଙ୍କ୍ ଅନ୍ୟାୟ୍ ମାଡ଼୍ମାଟ୍ । ୱେରେ ନାରୁଡ଼୍ତେ କଣ୍ଡେତାଗ୍ ବାତ୍ ସାୟେତ୍ ପାଡ଼୍ୟି, ଆଦେକେ ମାଡ଼ାଟ୍ । 18 ସାର୍ରେତଡ଼୍ ତଡ଼୍ ଶାନ୍ତିତେ ବାଦ୍କାନଙ୍କ୍ ପାର୍ତେଇସର୍ ଆଲ୍ସି ମାଡ଼ାଟ୍ । 19 ପ୍ରିୟ ସାଙ୍ଗନଡ଼ି, ମିଡ଼୍ ନିଜେ ବେନନ୍ ବିରୁଦ୍ତେ ବାଦ୍ଲା ଆୟ୍ମାଟ୍ । ଇଶ୍ୱର୍ତିଙ୍କ୍ ଅନ୍ ପର୍ର ବିଚାର୍ ମାଡ଼ାନଙ୍କ୍ ୱିଡ଼୍ସିମୁଟ୍ । ବାତେଙ୍କ୍ଇତ୍କେ ଶାସ୍ତ୍ରତାଗ୍ ଲେକାମିନ୍ଦେ, "ପ୍ରବୁ କେତୁତଣ୍ଡ୍, ମାନାଡ଼୍ ବାଦ୍ଲା ଆଦ୍ତାଡ଼୍ । ମାନାଡ଼୍ ଦଣ୍ଡ୍ ଇଦ୍ତାଡ଼୍ ।" 20 ଇତ୍କେ ଶାସ୍ତ୍ରତାଗ୍ ନିର୍ଦ୍ଦେଶ୍ ଇସାପ୍ତେ "ମିୱଡ଼୍ ଶତ୍ରୁଡ଼୍ କାର୍ୱିନ୍ ମାତ୍କେ, ଅଂକିଙ୍କ୍ ତିନ୍ଦାନଙ୍କ୍ ଇମୁଟ୍; ଉନ୍ଦେୱାସ୍ ମାତ୍କେ ଉସ୍ପାଟ୍ । ଇଲାମାଡ଼୍କେ ଅଣ୍ଡ୍ ସିଗ୍ଆସ୍ ନିଜେ ତାଲେ ମଦଲ୍ ମାଡ଼ିତଣ୍ଡ୍ ।" 21 ମିଚ୍ ତଡ଼୍ ଆରେମ୍ ଆୟ୍ମାଟ୍, ସାର୍ରେ ମିଚ୍ ବିଷୟ୍ତିଙ୍କ୍ ସାୟେତ୍ ବ୍ୟବହାର୍ ତଡ଼୍ ଜିଡ଼ାଟ୍ ।
Publicidade