4 ଆଦିଙ୍କ୍ ହୋ ନା ଦାଦାଲଡ଼ି ନୁ ଏଲାସ୍କ୍, ମିୟାଦ୍ ଗାଲା ପରିସ୍ଥିତି ଟିକ୍ ଆଲେନେ, ମିଡ଼୍ କ୍ରିଷ୍ଟନ୍ ତଡ଼୍ ବାତିସ୍ମ ଆସ୍, ଅନ୍ ପୁନରୁତାନ୍ତାଗ୍ ବାଗ୍ ଆତ୍ତିଡ଼୍, ମିଡ଼୍ ନିୟମ୍ ସେଙ୍ଗେ ଡଲିମିନ୍ଦେଡ଼ି, ବେଲା ମିଡ଼୍ ମେଣ୍ଡେଅର୍ତୁଣ୍ଡ୍ ତଡ଼୍ କାୟ୍ଲିତିଡ଼୍, ଇତ୍କେ ମାନାଡ଼୍ ଇଶ୍ୱର୍ତେ ମାୟ୍ଦିଂଙ୍କ୍ କାୟା ଆଦ୍ସ୍ପାନ୍ ସେଙ୍ଗେ ଜେ ବେନ ଡଲିମାଞ୍ଜ୍ ତେଦିମିନ୍ଦେଣ୍ଡ୍, ଅନ୍ ତଡ଼୍ କାୟ୍ଲାଟ୍ । 5 ବାତେଙ୍କ୍ଇତ୍କେ ବେସୁଟ୍ ମାନାଡ଼୍ ମେନ୍ଦୁଲ୍ ପୟ୍ସ୍ ମାତ୍ତାଡ଼୍, ଆସୁଟେ ନିୟମ୍ ତଡ଼୍ ପାପ୍ଲାଲସା ମାୟାଦ୍ ମେନ୍ଦୁଲ୍ତାଗ୍ ଡଲାନ୍ ସେଙ୍ଗେ କାୟା ଆଦ୍ସ୍ପାନଙ୍କ୍ ପାଡ଼୍ୟି ମାଡ଼ମାତ୍ତା, 6 ଇତ୍କେ ଆଦିଙ୍କ୍ ମାନାଡ଼୍ ବନ୍ଦନ୍ ଆସ୍ ମାତ୍ତାଡ଼୍, ଆଦିନ୍ ସେଙ୍ଗେ ଡଲିମାଞ୍ଜ୍ ମାନାଡ଼୍ ଇଞ୍ଜେ ନିୟମ୍ତାଗାଙ୍କ୍ ମୁକ୍ତି ଆତ୍ତାଡ଼୍; ଆଦିଙ୍କ୍ ମାନାଡ଼୍ ପାଃନ୍ତେ ଲେକ୍ତାଦ୍ ଇସାବ୍ତେ ଦାସନ୍ ପାଡ଼୍ୟି ମାଡ଼କଟ୍ ପବିତ୍ର ଆତ୍ମାତାଦ୍ ପୁନାଦ୍ ଇସାବ୍ତେ ଦାସନ୍ ପାଡ଼ୟି ମାଡ଼ୁତାଡ଼୍ ।
Publicidade
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)