ଇଶ୍ୱର୍ତେ ପ୍ରେମ
31 ଆଲେକେ ଇୱୁ ସାର୍ରେ ଉଡ଼୍କେ ମେଣ୍ଡେ ବାତ୍ କେତିତାଡ଼୍ ? ଇଶ୍ୱର୍ ଯଦି ମାନ୍ ସପଟ୍ ମାଡ଼ିତନ୍, ବେନ ମାନ୍ ବିରୁଦ୍ ଆଦ୍ପାର୍ଦ୍ତଣ୍ଡ୍ ? 32 ଇଶ୍ୱର୍ ବେସୁଟ୍ବା ମାନ୍ ବିରୁଦ୍ ଆୟ୍ୟଣ୍ଡ୍, ବାତେଙ୍କ୍ଇତ୍କେ ଅଣ୍ଡ୍ ନିଜେତ୍ ମାରିଙ୍କ୍ ମିକା ରକ୍ଷା ମାଡ଼କଟ୍ ମାନ୍ ସେଙ୍ଗେ ଦାନ ମାଡ଼୍ତଣ୍ଡ୍ । ଆଲାଇତ୍କେ, ଅଣ୍ଡ୍ ବାତ୍ ମାନାଙ୍କ୍ ସାର୍ରେ ବିଷୟ୍ ଦାନ ମାଡ଼ଣ୍ଡ୍ ? 33 ଇଶ୍ୱର୍ ଏଞ୍ଚ୍ତେ ନାରୁଡ଼୍ ବିରୁଦ୍ତେ ବେନଡ଼୍ ଅବିଯଗ୍ ମାଡ଼୍ପାର୍ଦ୍ତଡ଼୍ ? ଇଶ୍ୱର୍ ନିଜେ ଅଡ଼୍କିଂଙ୍କ୍ ନିର୍ଦୋଷ୍ ଇଞ୍ଜ କେସ୍ମିନ୍ଦେଣ୍ଡ୍ । 34 ଆଲେକେ ବେନ ଅଡ଼୍କିଂଙ୍କ୍ ମେଣ୍ଡେ ଦଷି ମାଡ଼େପାର୍ଦ୍ତଣ୍ଡ୍ ? କ୍ରିଷ୍ଟ ଜିସୁ ଆଦ୍ ବେସୁଟ୍ ମାଡ଼ଣ୍ଡ୍, ବାତେଙ୍କ୍ଇତ୍କେ ଅଣ୍ଡ୍ ଡଲ୍ତାଗାଙ୍କ୍ ମେଣ୍ଡନ୍ନ୍ଦାମ୍ ଜିୱେ ଆସ୍ ଇଶ୍ୱର୍ତେ ତିନ୍ଦେପାକ୍ କୁଦିମିନ୍ଦେଣ୍ଡ୍ । ଅଣ୍ଡ୍ ଆନ୍ତେ ମାନ୍ ସେଙ୍ଗେ ନାଡ଼୍ମେ ପ୍ରାର୍ତନା ମାଡ଼ୁତଣ୍ଡ୍ ।