1 Pedro 2

9 Ana yoba tau yegl mere yage sigwa ba ene meglkwa i, God ene ye yobanama moraiglmedi kere i pere edugo, ene ye yobama kaima meglkwa. Te, God ene kingno moglko, ene mogl pere edidre, ye tawa teigwa yoba mere yegl meglkwa. God ene yegl mere kere i pere edugwa i, ye siragl mere wakai moglkwa i, ene di nogugl edinaiglmedi pre ene kere i pere edugwa. I siragl pre God yene ere mogl, ene mim erumara kide kodidre, ede u ye abuglagemo, wakai kaima sumara i mina ede suna unaiglmedi agle dugwa. 10 Ene okna God yobama ta moglkrikwa ba erme ye yobama meglkwa. Te, God ene mitno goglkwa i, ene okna ta pre kan erekrikwa ba erme ene pre kan ere kodigwa.