Kibwezia kya bulunghami
1 We mwana wane, tekuba walaba masambilizio ane,
inzi sunga milao yane mu mutima obe.
2 Pantu yakaba kuvuzia myaka ya bwikazi bobe,
ni kukupeela mutende ni buyantanzi.
3 Ntono ni bukisinka tekuti bilekenkane nobe,
bikakilile mu mukosi obe,
bilembe pa kibao kya mu mutima obe.
4 3.4: Lk 2.52 Ni we ulikwitabilua ni kumonua waweme
ku menso akua Leza ni ku menso a bantu.
5 Muketekele Yawe na mutima obe onse,
pasili kusintilila pa maano obe we mwine.
6 Mu nzila yobe yonse, mumane wene,
ni ye alikuolola nzila yobe.
7 3.7: Bar 12.16 Tekwimona we mwine kuba wali ni mulangue,
mutiine Yawe ni kwikeka ku bubi.
8 Kukita evio kulikukuleetela bukose mu mubili,
ni maka mu bikuza byobe.