Elimele n aza a kuwa a ne a dusuki a Muwabu
1,2 Aꞌayin a ɗa aza a afada a ka lya tsugono tsu aza a Isaraꞌila, a yan ta̱ vuma roku uza u kala Elimele, kala ka uka u ne ka Naꞌomi, aꞌa̱ ta̱ kpam na̱ mmuku ma alobo n re, Malo n Kiliyo, gba̱ le a kagali ka aza a Efurata, a ilyuci i Batalami a uyamba u Yahuda. An a ka yan kambulu ka pige a uyamba vi, u ꞌya̱nga̱i ubana a uyamba u Muwabu, eyi n uka u ne na̱ mmuku n ne a ba a dusuki ve ɗe.
16 Shegai Rutu danai, <<Kotsu vu folo mu n gono ko n a̱sa̱ka̱ vu utono wa. A asu u ɗa baci dem vu banai, ma bana ta̱. A asu u ɗa baci dem vu dusuki, nte dem ma dusuku pini. Ama a vunu a ka woko ta̱ ama a va̱, Kashila̱ ka vunu kpam ka woko ta̱ Kashila̱ ka va̱. 17 A asu u ɗa baci vu kuwa̱i, nte ma kuwa̱ pini, kpam nte dem a ka ciɗa̱ngu mu pini. Ili i roku i pece mu n avu, bamu n ukpa̱, n folo ta̱ Magono ma Zuba ma yan mu mavura cika.>>
20 U wushunku le, <<Kotsu i doku i isa̱ mu Naꞌomi1:20 Kalen ka kala ka Naꞌomi n Tsiyahuda ka ipeli, Mara tani akoni, wata, unamgbukatsuma̱. wa, shegai Mara, kpaci Kashila̱ Uza u Ucira Gba̱ u na̱ka̱ mu ta̱ unamgbukatsuma̱ cika. 21 An n lazai, ma̱ ta̱ gba̱ n ili iꞌya ma ciga, shegai gogo-na Magono ma Zuba ma gonuko mu ɗe a kuwa akere a de. Niɗa ya isa̱ mu Naꞌomi cina Magono ma Zuba ma kpatala̱ka mu ɗe kucina̱, kpam Uza u Ucira Gba̱ u sukunku mu mada̱ka̱?>>