3 "Atĩrĩrĩ, ta thikĩrĩriai, inyuĩ nyũmba ya Jakubu,

inyuothe matigari ma nyũmba ya Isiraeli,

o inyuĩ arĩa ndũire nditikĩte kuuma rĩrĩa mwarĩ nda cia manyina manyu,

na ngatũũra ndĩmũkuuĩte kuuma rĩrĩa mwaciarirwo.

4 O na ũkũrũ-inĩ wanyu, no niĩ,

o na rĩrĩa mũgaakorwo mũrĩ na mbuĩ,

niĩ nĩ niĩ ngũmũtũũria muoyo.

Nĩ niĩ ndaamũũmbire, na nĩ niĩ ngũtũũra ndĩmũkuuaga,

ĩĩ ti-itherũ nĩ niĩ ngũmũtũũria muoyo na ndĩmũhonokagie.