Isaías 53

3 Ndungata ĩyo nĩyanyararirwo na ĩkĩregwo nĩ andũ,

aarĩ mũndũ wa kĩeha kĩingĩ na wonete thĩĩna.

O ta mũndũ ũrĩa andũ mahithaga mothiũ mao matikamuone-rĩ,

aanyararirwo, na ithuĩ tũtiigana kũmũtĩĩa.

4 Ti-itherũ nĩwe woire wonje witũ,

na agĩkuua kĩeha giitũ;

no ithuĩ twatuire nĩkũhũũrwo aahũũrĩtwo nĩ Ngai,

akamũgũtha na akamũnyamaria.

5 No rĩrĩ, aatihangirio nĩ ũndũ wa mahĩtia maitũ,

o na akĩhehenjwo nĩ ũndũ wa waganu witũ;

nakuo kũherithio kũrĩa gwatũmire tũgĩe na thayũ nĩwe waherithirio,

na ithuĩ tũhonagio nĩ ũndũ wa nguraro ciake.