Thaburi 62

5 Wee ngoro yakwa, etha ũhurũko harĩ Ngai o we wiki,

kĩĩrĩgĩrĩro gĩakwa kĩrĩ harĩ we.

6 O we wiki nĩwe rwaro rwakwa rwa ihiga na ũhonokio wakwa;

nĩwe kĩirigo gĩakwa kĩa hinya ndirĩ hĩndĩ ngenyenyeka.

7 Ũhonokio wakwa na gĩtĩĩo gĩakwa ciumaga kũrĩ Ngai;

nĩwe rwaro rwakwa rwa ihiga rũrĩ hinya, na rĩũrĩro rĩakwa.

8 Inyuĩ andũ aya, mwĩhokagei o we hĩndĩ ciothe;

itũrũragai ngoro cianyu harĩ we,

nĩgũkorwo Ngai nĩwe rĩũrĩro riitũ.