44 "Eini nipi-nipu ngai’n neelram khan Pathian inruoipuina sakhi Maichaam Inn kha inmani diang aleiom, khawa ramil kha Pathian in Moses diangnga boolro tia iminmu dungjuiya khawakha inbool eii."
45 Eini nipi-nipu ngai matiangnga inpi-inpu ngai diangnga inphut inralaang maichaam inn kha Joshua le inruoiya insipha inmani’n inleichoi halli Pathian in ileipuutsuok phung ngai ram kha inmator tirra inleisi, halli maichaam inn kha David pha katung aleiom.
46 David in Pathian mit enna rawaan amu-ah Jacob Pathian sik-ah omnasik mun Pathian diang aleini.
47 Takkha Solomon in Pumi sik-ah inn kha asakjei.
48 "Takkha Chungnung Pathian kha kut-ah inbool inn ngaikhan ommak," Pathian chongkachoipa’n iti-angnga,
49 Marwaan chu kei reng in-ongna eii,
halli nuoipilchung hi kei kaketouna eii.
Pumi khan ati, keisik ang innme ningsaksik?
emakli kei soongmachumna sik mun hunme?
50 Kei kakuttak in phur rakip hi kibool emak abe?
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)