23 Raalmi ngai’n Jisu kha cross-ah inthatsuo phakhan inmani’n Jisu puondiar kha raalmi ngai’n inchang thanasik lekmili inleiminsuok, halli asongkool kha-um inleilei. Takkha asongkool kha kathuilam omleiya inkhoong alei-eii.

24 Khawa jarra inmani’n inkhatli khatdiang inlei inti, "Eini’n kathermui, takkha tu changsikme tikha eini’n rawaan enrui."” Hiwahi Pathian chong huui tungnasik kha eii.

"Kei puondiar kha inmani’n in-insem

halli kei kasongkool sik-ah inmani’n rawaan in-en."”

Hiwahi raalmi ngai’n inleitho. Minpkla 22:18

25 Jisu cross koolla, anu, anu nainu, Clopas numei Mary, halli Mary Magdalene ngai’n inngirra inleiom. 26 Jisu’n anu khat-um iminriang asiamruoi khan akoolla inngirra inom amupha khan, Jisu’n anudiang aleiti, "Numeisa, ama hi nasapa eii."”

27 Halli asiamruoi padiang aleiti, "Ama hi nanu eii."” Khawapha makheiya numeisanu kha siamruoi khan aruoiya inntiang sipuijei.