25 Mipui katamtak Jisule inleisisuom phakhan, ama’n anuk malet ah inmani diang aleiti. 26 "Kei kadiang kaheiwa ngai’n anu apa, anumei, asa, a-u anai ngai khat-um apumtak intirmak inchu kei kasiamruoi etheinuni.
27 Atu ka-ang in ama cross raput leiya kei kanuk kajui mikha kasiamruoi atheinuni.
28 Nangni karra mi inkhat in insaangtak inn inkhat saksik tia ngaidon inchu, ama’n in-ongta hiwa minheknasik, angjetme kaluutsik tia mansakhet ah minsuukmak niabe? 29 Inn insaangtak kasak aphutli aminhek matormak inchu akamu mi rakip in ama kha innuipuisik eii. 30 Inmani’n ti-inte, ‘Hiwa mipa hi inn insaangtak kasak aphutli saksuo matormakjei.’ 31 Kha emakli reng inkhat in reng inkhat diang raal katho asi inchu, ama’n mi lisingsoom aruoiya inhalpui rengpa raalmi lising soomni ama chungnga raal katho kaheiwa ngaikha mator ningbo tia mansakhet ah ama’n in-ongta ngaidonmak niabe? 32 Ama’n amator maksik e-inchu, kalaak ah inomlai khan asuok inkhat tirta inhalpui rengpa diang inngei nasik chong ajuominrilsik eii. 33 Hiwa angnga" "Atu ka-ang in inei rakip amathaan matormak inchu amakha kei kasiamruoi ematornuni.
Ka-almak Machi
(Matt 5:13; Mk 9:50)