Akamang Keelngam
1 Nisuokhat rampar kakhoom ngaili manukaroon ngai’n Jisu chong inngaisik ah inheiwa.
2 Halli Pharisee ngaili Dan karu ngai’n nemnum inleiti, "Hiwa mi in manu karoonngai idonle inruoiya inmanile aleibaksuom!" 3 Khawajarra Jisu’n hiwa minkhinahi inmani diang aleirilpi.
4 "Etichu miring inkhat in keelngam rajakhat aneiya inmani karra inkhat aminmang inchu, angme ama’n athosik? Ama’n soomkuo leikuo ngaikha sachik billa data keelngam kamangkha amumaklaiseng kaentok simakniabe? 5 Halli ama’n khawa amu phakhan, roktheiya adarkhoiya ada, 6 halli inntiang achoiya akirphakhan, asappui ngaili indiang inwaipui ngaikha koita inmani diang atisik, kamang keelngam kha kei’n kamujei, keile roksuomrui! 7 Hiwa angnga, kei’n nangnidiang kanati, malung thuulsik arei kaommak mi kadik soomkuo leikuo ngai neek ah, manu karoon miring inkhat in malung athuul phakhan marwaanna kheella rokna omsik eii.