Sapa Kamang
11 Halli Jisu’n aleitinook, "Miring inkhat sapa inni kanei aleiom. 12 Naipangpa’n apa diang aleiti, ‘Pa, kei kachansik kasuok neinaak ngaikha napetaro,’ halli ama’n aneinaak ngaikha inmani diang aleisempi. 13 Nikhuo sootlekleiya neipangpa’n ama achangsik kasouk ngaikha khoomchunna ram kalaak inkhattiang aleisi, khawakhan ama’n neinaak rakip kathamak lamma aminheksuojei. 20 Khawasuoli ama’n intheiya apa koolla aleisi.
"Halli ama’n a-inn makheiya kalaakjenna iheiwa kha apa’n aheimu phakhan, apa’n ama kha aleiminriang, halli ataanna ama’n asapa kha ajuokakuoa aleimazoop. 22 Takkha apa’n suok ngaidiang aleitipi, ‘Innottheiya!’ ‘Retruo katha khetkha heichoi inlang ama kha minlukru, halli akutkhan kutsabi mintiangru, akeiya kekok milukru, 24 Tichu kei kasapa hi kathi makheiya kahongringnook ejei, ama hi kamangkha eii, halli nimunook ejei,’ khale inruoiya inmani’n karokpui inleiphut."