Chungkanung Esik jarra Murruolsiak
24 Halli inmani karra tume kalokkhet tijarra inmani’n murruolsiak inleitho.
25 Jisu’n inmani diang aleiti, "Zaatlop reng ngaichu ami ngai chungnga ranak kanei khat-um waikaroon ngai in eii, ‘Mipui ngai sap kin eii inmani’n inleiti.’
26 Takkha nangnidiang chu etheinuni, khaneek achu, nangni karra kalokkhet pa’n naipang khet angrase, halli lamkakei pa’n suok ka-ang erase.
27 Tichu atukhame akalokkhet, kabaksik-ah in-ongpa khabe, emakli nangni sepa kanathopa khabe? Halle kabaksik-ah in-ongpa kha emak niabe, takkha keichu nangni sepa katho inkhat kha ka eii."