Jisu’n Chuunmei Sapa Minringna
11 Khawa suoli7:11. innot theiya khawa thengnga larik lekkhat ah inchen ni-khuo khat thengnga. Jisu’n Nain inti khopuikhan aleisi, halli asiamruoi khat-um mipui katamtak amale inleisi. 12 Khuopui luutna kotkuung aleinai phakhan, mikathi inkhat reii-nasik ah inheisuokpui, akathi mikha chuulmei sapa inkhatbit kha alei eii, halli mipui katamtak in khawa khuopui makheiya numeisanule inleisuok. 13 Pumi’n khawaneinu amu phakhan, Ama malungnga khawa nainusik-ah poongna aleinei, halli ama’n aleiti, "Chap maro," 14 halli ama’n asiya u-pukha ajuo katookli akathipa karapuut ngaikha inleingir, halli Jisu’n ati, "Kadoong pasal! Kei’n kanati, intheiro!" 15 Halli akathi miringpakha ahong intheiya chongkaril aleiphut, halli Jisu’n naipang pakha anudiang aleipeii.
16 Inmani rakipkha kachi’n leisip ah Pathian inleiminpaak ah inti, "Eini karra Pathian chongkachoi kalian inkhat inlarjei!" Halli inmani’n inti, "Pathian in ama mi ngai kasansik ajuojei."
17 Khawa ramsuung khat-um innaipui khuopuisuung rakip ah Jisu jarra inleirilthang.
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)