Ni-inhalpui ngai Minriang sik
43 "Hinna inleiti kha nangni’n ningjet, ‘Na-indiang na-inwaipui ngaikha minriangro, ni-inhalpui ngaikha matirro.’ " 44 Takkha tuun nangni diang kei’n kati: nangni inhalpui ngaikha minriangro, khat-um nangni kanaminpoong ngai sikbit ah nina neipiru, 45 Kha angnga marwaanna kaom ning Pa sangai kha ning esik eii, ajarchu ama’n akase li akatha ngai chungnga in-angnga ama’n kani aminsuok, halli mi katha li mi kathamak ngai sik um ruo aminsur. 46 Ajarchu nangni’n nangni kanaminriang mi ngaibit ningminriang inchu Pathian in nangni diang angtho-thoa thoman anapesik me? rampar kakhoom ngai innum khan intho emak abe! 47 Khat-um nangni’n ning-u ningnai ngaidiang bit khoya ningtho inchu, mi ngai diangnga nangni’n ang kakheel ningthome? zaatlop ngai innum khan intho emak abe!
48 Khawa jarra Marwaanna kaom ning Pa in pui itung angnga Nangni um puikatung kha eru.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)