17 Chong inthiang khan aleiti, "Kei’n nanghi phung angjet ngai pa kinamin ejei." Akathi kaminring halli kalei ommak phur kaminjir Pathian diang Abraham in a-ngamna jarra hiwa chong inkhitnahi ama diang ileipe eii.
18 Abraham in iteii inngamna sik ommak phakhan num, ama’n angamna khat-um arangaitui jarra "Zaat rakip Pa amin eii" chong inthiang in iti angnga, "Nang naphungrui rakip arsi ngai angnga kamintam sik eii. "
19 Ama’n kumrajakhat hongtung sik tiang, halli ama taksa kha kathi angnga aranak aleisuon innum, halli Sarah kha nai aleineimak pha khannum Abraham inngamna khachu leiminsiin mak.
20 Ama ngamna khan ama kha leimathaanmak, halli ama’n Pathian chongkhitna kha lei-inngamsamna mak, halli ama ngamna kha ranak in aleikasuunna Pathian kha aleiminpaak. 21 Pathian in chongkhit na-ah itipi rakip kha alamintungsik eii tia Abraham in kacheet-ah aleingamna.