37 Ri Pilato xubꞌij che: Xaq jeriꞌ at taqanel.
Ri Jesús xubꞌij: At xatbꞌinik chi in taqanel, rumal waꞌ xinalaxik xuqujeꞌ rumal waꞌ xinpe choch ri uwachulew, rech jeriꞌ kulinqꞌalajisaj ri tunal. Xapachin ri kuloqꞌaj ri tunal kutatabꞌej riꞌ ri nuchꞌabꞌal.
38 Ri Pilato xuta che ri Jesús: ¿Jas kꞌu riꞌ ri tunal?
Are xbꞌiꞌtaj we riꞌ rumal, xel bꞌik chikilik ri winaq aꞌj Israel, xubꞌij chike: Man kinriq ta in umak we achi riꞌ.
(Mateo 27:15-31; Marcos 15:6-20; Lucas 23:13-25)