Marcos 10

Ri Jesús kukunaj ri moy achi Bartimeo

46 Kꞌa te riꞌ xoꞌpan pa ri tinimit Jericó. Bꞌenam kubꞌan ri qꞌij are xel bꞌik ri Jesús pa Jericó e rachiꞌl ri utijoxelabꞌ xuqujeꞌ sibꞌalaj e kꞌi winaq. Kꞌo jun moy kuta ulimoxna ubꞌiꞌ Bartimeo (ralkꞌwaꞌl ri Timeo) tꞌuyul chuchiꞌ ri bꞌe. 47 Are xuto chi petinaq ri Jesús aj Nazaret, xuchapleꞌj uraqik uchiꞌ xubꞌij: Jesús, Ralkꞌwaꞌl ri David,*10:47 Ralkꞌwaꞌl ri David are waꞌ ri jun ubꞌiꞌ chik ri Jesús Cristo. Pa ri Ojer Tyoxalaj Wuj kubꞌij chi ri Mesías kux na jun rijaꞌl ri Taqanel David. cheꞌl kuꞌx la chwe.

48 E kꞌi xkiyajo rech kataniꞌk, man xtaniꞌ ta kꞌut xane ko xuraq uchiꞌ xubꞌij: Ralkꞌwaꞌl ri David, cheꞌl kuꞌx la chwe.

49 Xtakꞌiꞌ ri Jesús, xubꞌij: Chichꞌabꞌej apanoq.

Xaq jeriꞌ xkichꞌabꞌej apanoq. Xkibꞌij che: Chatkiꞌkotoq, katusikꞌij le Jesús.

50 Ri achi xukꞌyaq kanoq ri uqꞌuꞌ, xchꞌoplajik, xqebꞌ loq rukꞌ ri Jesús. 51 Ri Jesús xuta che: ¿Jas kawaj kinbꞌan awukꞌ?

Ri moy achi xubꞌij: Ajtij, kawaj kinkaꞌyik.

52 Ri Jesús xubꞌij che: Ri akojobꞌal xatukunaj, utz chik kateꞌek.

Aninaq xkaꞌy chi junmul ri achi, xuchapleꞌj utereneꞌxik ri Jesús pa ri bꞌe.