Mateus 2

Kasolix ri Jesús kumal ri achyabꞌ ri kꞌo ketaꞌmabꞌal

1 Alaxinaq chi ri Jesús pa ri tinimit Belén rech Judea, pa taq ri qꞌij are kataqan ri taqanel Herodes. Xoꞌpan pa Jerusalén nikꞌaj achyabꞌ kꞌo ketaꞌmabꞌal, kipetik pa ri relibꞌal qꞌij.*2:1 We winaq riꞌ iꞌlol taq chꞌumil kibꞌiꞌ, ri jun kibꞌiꞌ chik are aꞌjqꞌijabꞌ. We winaq riꞌ iꞌlol taq chꞌumil xuqujeꞌ kekwinik kakil ri uwo kaj rech jeriꞌ kakibꞌij jas ri kakꞌulmataj pa ri qꞌij junabꞌ ri petinaq.

2 Xkitatabꞌelaꞌ xkibꞌij: ¿Jawjeꞌ xalax wi ri kirey ri winaq aꞌj Israel? Xqil ri uchꞌumil rumal riꞌ xujpe chuqꞌijilaꞌxik.