1 Tessalonicenses 4

ପ୍ରବୁତି ୱେଣ୍ତା ୱା଼ନାୟି

13 ଏ଼ ମା଼ ତାୟିୟାଁ ଅ଼ଡ଼େ ତାଙ୍ଗିସ୍କାତେରି, ବା଼ର୍ସୁ ହିଲାଆ ଏଟ୍‌କାତି ବାରେ ଲ଼କୁ ଲେହେଁ ମୀରୁ ଏ଼ନିକିଁ ଦୁକୁ ଗାଟାତେରି ଆ଼ଅତେରି, ଈଦାଆଁତାକି ହା଼ତାରି କାତାତି ମୀରୁ ପୁନାଆନା ମାଞ୍ଜୁ ଈଦି ମା଼ ଅଣ୍‌ପୁ ଆ଼ଏ । 14 ଏ଼ନାଆଁତାକି ଇଚିହିଁ ମା଼ର ନାମିନାୟି, ଜୀସୁ ହା଼ହାନା ୱେଣ୍ଡେ ନିଙ୍ଗାମାନେସି, ଆତିହିଁ ମାହାପୂରୁ ଜୀସୁ ତା଼ଣାଟି ହା଼ହାମାନି ଲ଼କୁଣି ଏଲେଆ଼ହିଁ ତାନିତଲେ ତାନେସି, ଈଦାଆଁ ଜିକେଏ ନାମିନାୟିମାନେ ।