ପ୍ରବୁତି ୱେଣ୍ତା ୱା଼ନାୟି
13 ଏ଼ ମା଼ ତାୟିୟାଁ ଅ଼ଡ଼େ ତାଙ୍ଗିସ୍କାତେରି, ବା଼ର୍ସୁ ହିଲାଆ ଏଟ୍କାତି ବାରେ ଲ଼କୁ ଲେହେଁ ମୀରୁ ଏ଼ନିକିଁ ଦୁକୁ ଗାଟାତେରି ଆ଼ଅତେରି, ଈଦାଆଁତାକି ହା଼ତାରି କାତାତି ମୀରୁ ପୁନାଆନା ମାଞ୍ଜୁ ଈଦି ମା଼ ଅଣ୍ପୁ ଆ଼ଏ । 14 ଏ଼ନାଆଁତାକି ଇଚିହିଁ ମା଼ର ନାମିନାୟି, ଜୀସୁ ହା଼ହାନା ୱେଣ୍ଡେ ନିଙ୍ଗାମାନେସି, ଆତିହିଁ ମାହାପୂରୁ ଜୀସୁ ତା଼ଣାଟି ହା଼ହାମାନି ଲ଼କୁଣି ଏଲେଆ଼ହିଁ ତାନିତଲେ ତାନେସି, ଈଦାଆଁ ଜିକେଏ ନାମିନାୟିମାନେ ।
15 ୪:୧୫ ୧କର ୧୫:୫୧,୫୨ ମା଼ମ୍ବୁ ପ୍ରବୁତି ବ଼ଲୁଲେହେଁ ମିଙ୍ଗେ ଈଦାଆଁ ୱେସିମାଞ୍ଜାନମି, ମା଼ର ଏଚେକା ଲ଼କୁ ପ୍ରବୁତି ୱେଣ୍ଡେ ୱା଼ନି ଦିନା ପାତେକା ନୀଡାହାଁ ଡ଼ୟା ମାନାୟି, ମା଼ମ୍ବୁ ଏ଼ନିକିଁ ଜିକେଏ ହା଼ହାମାନି ଲ଼କୁତି ନ଼କିତା ହାଲଅମି । 16 ଏଚେଟିଏ ପ୍ରବୁତି କାଜା ଦୂତୁତି ହୁକୁମି ହୀହାମାନି ହା଼ଡା ଅ଼ଡ଼େ ମାହାପୂରୁତି ତୀତ୍ରି ମ଼ହ୍ରି ହା଼ଡାତଲେ ଲାକପୂରୁଟି ରେ଼ଚା ୱା଼ନେସି, ଇଞ୍ଜାହାଁ କ୍ରୀସ୍ତଇଁ ନାମାହାଁ ହା଼ହାମାନାରି ଏ଼ୱାରି ନ଼କେଏ ନିଙ୍ଗିନେରି; 17 ଅ଼ଡ଼େ ଡା଼ୟୁ ଏ଼ ଦିନା ନୀଡାମାନି ଲ଼କୁତାୟି ବାରେ, ଏ଼ୱାରିତଲେ ପ୍ରବୁଇଁ ବେଟାଆ଼ହାଲି ଦୂନ୍ଦ୍ରା ତଲେ ୱାର୍ଇ ହା଼ଗୁତା ଅ଼ୱିଆ଼ନାୟି ଏଲେକିହିଁଏ ମା଼ର ପ୍ରବୁ ତଲେ କା଼ଲାକା଼ଲା ତାକି ଡ଼ୟିନାୟି । 18 ଏ଼ନାଆଁତାକି ଇଚିହିଁ ଈ ବାରେ କାତା ଆସାହାଁ ମୀରୁ ମୀରୁଏ ରଅତେରି ରଅଣାଇଁ ସା଼ସା ହୀୱି ଆ଼ଦୁ ।