16 ବାରେବେ଼ଲା ରା଼ହାଁ ଆ଼ଦୁ । 17 କା଼ଲେଏ ପ୍ରା଼ତାନା କିହେ ମାଞ୍ଜୁ । 18 ମୀରୁ ଏ଼ନିଆ଼ହିଁ ମାଚିହିଁ ଜିକେଏ ମାହାପୂରୁଇଁ ଜହରା କିଦୁ, ଇଚିହିଁ ମୀରୁ କ୍ରୀସ୍ତ ଜୀସୁ ତା଼ଣା ଆଣ୍ତାହାଁ ଏଲେକିହିଁଏ ନୀଡାନା ମାଞ୍ଜୁ ଇଞ୍ଜିଁ ମାହାପୂରୁତି ଅଣ୍ପୁ ।
19 ମାହାପୂରୁତି ଜୀୱୁଇଁ ଆ଼ଂଗାଆଦୁ; 20 ମାହାପୂରୁ ବ଼ଲୁ ୱେହ୍ନାଣି ଉଜେଏ ଇଞ୍ଜିଁ ଇନାଆଦୁ । 21 ବାରେ ତାୟିପାରି କିହାଁ ଏ଼ନାୟି ନେହାୟି ଏ଼ଦାଆଁ ଆହ୍ଦୁ । 22 ବାରେ ପ଼ଲ୍ଆ ତା଼ଣାଟି ଏଟ୍କା ଆ଼ଦୁ ।
23 ହିତ୍ଡ଼ି ହୀନି ମାହାପୂରୁ ମିଙ୍ଗେ ବାରେ ୱାକିଟି ସୁଦୁ ଗାଟାତେରି କିୟାପେସି, ମୀ ଜୀୱୁ, ପୂଣ୍ତା, ଅ଼ଡ଼େ ମୀ ଆଙ୍ଗା ବାରେତି ମା଼ ପ୍ରବୁ ଜୀସୁ କ୍ରୀସ୍ତ ୱା଼ନି ପାତେକା ଦ଼ହ ହିଲାଆଗାଟାୟି ଆ଼ହା ମାଞ୍ଜାଲି ହିୟାପେସି । 24 ଆମ୍ବାଆସି ମିଙ୍ଗେ ଆ଼ଚାମାଞ୍ଜାନେସି ଏ଼ୱାସି ଟିକାଣା ଗାଟାସି ଏ଼ୱାସି ଈ ବାରେ କିନେସି ।