8 ସିନିକିଦୁ, ଏଚେ଼ତା ଆମ୍ବାଆସି କ୍ରୀସ୍ତତି ଜା଼ପ୍ନାୟି ଲାଗେଏତି ମାଣ୍ସିତି ପା଼ଣାପା଼ଟୁ ଅ଼ଡ଼େ ଦାର୍ତିତି ମୂଲୁ ଜା଼ପ୍ନି ପା଼ଞ୍ଜି ସିନି କିନାୟି ଅ଼ଡ଼େ ଉଜେଏତି ନା଼ଡ଼ିକିନି ତା଼ଣାଟି ମିଙ୍ଗେ କାୟିଦି କିହା ଅୟାନେ;
18 ଇଞ୍ଜାଁ ଆମ୍ବାଆସି ଜାହାରାଇଁ ଊଣା ଆ଼ହାଁ ଦୂତୁୟାଁ ସେ଼ବାତା ରା଼ହାଁ ଆ଼ହାଁ ସେୟାଁଣା ହାପାନା ମେସାମାନାଆଁ ପାରାହାଁ ଅ଼ଡ଼େ ଦାର୍ତିତି ଅଣ୍ପୁ ତଲେ ଉଜେଏ ବଡପଣ ଆ଼ହାଁ ଆମ୍ବାଆସି ତା଼ର୍ୟୁଁ ଲେହେଁତି କ୍ରୀସ୍ତ, ଏ଼ୱାଣାଇଁ ଆହ୍ଆନା ମାହାପୂରୁ ବ଼ରଟି ଏଟ୍କା କିୟାଆପେସି ।
କ୍ରୀସ୍ତ ତଲେ ହା଼ନାୟି ଅ଼ଡ଼େ ନୀଡିନାୟି
20 ମୀରୁ କ୍ରୀସ୍ତ ତଲେ ହା଼ହାମାଞ୍ଜେରି ଅ଼ଡ଼େ ଈ ଦାର୍ତିତା ସା଼ଲୱି କିହିମାନି ବା଼ଡ଼୍ୟୁଟି ଗେଲ୍ପି ଆ଼ହାମାଞ୍ଜେରି । ଆତିହିଁ ମୀରୁ ଏ଼ନାଆଁତାକି ଦାର୍ତିତି ଲ଼କୁ ଅଣ୍ପୁ ତଲେ ନୀଡିମାଞ୍ଜେରି ? ଏ଼ନାଆଁତାକି ମୀରୁ ଇଲେତି ମେ଼ରା ବାରେ ମାନି କିହିମାଞ୍ଜେରି, 21 ଆତିହିଁ "ମାଣ୍ସି ଜା଼ପ୍ହିମାନି ମେ଼ରା ଆହ୍ଆଦୁ, ଏ଼ଦାଆଁ ତିନାଆଦୁ, ଏ଼ଦାଆଁ ଡୀଗାଆଦୁ ଦାର୍ତିତି ଲ଼କୁ ଲେହେଁ ଇଲେତି ପା଼ଣାପା଼ଟୁ ଏ଼ନାଆଁତାକି ମା଼ନୱି ଆ଼ହିମାଞ୍ଜେରି ?" 22 ଏ଼ ବାରେ ଆ଼ସ୍ତି ଗା଼ଡ଼େକା ତାଇ । ଈୱି ଲେ଼ମ୍ବିସାରେ ଉଜେଏତାଇ ଆ଼ନୁ । 23 ଏଲେତି ଜା଼ପ୍ନାୟି ଜାହାରା ଅଣ୍ପୁଟି ସେ଼ବା କିନାୟି, ଜାହାରାଇଁ ଊଣା କିନାୟି ଇଞ୍ଜାଁ ଆଙ୍ଗାତି ହା଼ରେକା କସ୍ତ ହୀହାଁ ବୁଦିତି ଦ଼ରୁ ବେଟାଆ଼ହାମାଇଁ ସାମା ଏ଼ଦି ଉଜେଏତାୟି ଏ଼ଦାଆଁ ତଲେ ଆଙ୍ଗାତି ଅଣ୍ପୁ ରା଼ହାଁ ଆ଼ନେ ।