Efésios 2

3 ଏ଼ କାତା ମା଼ନୱି ଆ଼ଆଗାଟି ମୀର୍‌କା ତଲେ ମା଼ର ବାରେ ଏ଼ ବେ଼ଲାତା ମା଼ ଆଙ୍ଗାତି ମାଣ୍‌କି ତଲେ ନୀଡାନା ଆଙ୍ଗା ଅ଼ଡ଼େ ମ଼ନତି କାମା କିହିମାଚାୟି, ଇଞ୍ଜାଁ ଏଟ୍‌କାତାରି ଲେହେଁ ମା଼ର ଜିକେଏ ମାହାପୂରୁ କ଼ପାତି ଲ଼କୁ ମାଚାୟି ।

4 ସାମା ମାହାପୂରୁ ହା଼ରେକା କାର୍ମା ମେହ୍‌ନାସି; ଏ଼ୱାସି ମାଙ୍ଗେ ହା଼ରେକା ଜୀୱୁ ନ଼ୱୁତା ଜୀୱୁ ନ଼ୟାଁତେସି, 5 ଏଚେ଼ତା ମା଼ର ପା଼ପୁ ତାକି ହା଼ହା ମାଚାୟି, ଇଞ୍ଜାଁ ମାଙ୍ଗେ କ୍ରୀସ୍ତ ଜୀସୁ ତଲେ ନିକ୍‌ହାତେସି, ଅ଼ଡ଼େ ମାହାପୂରୁତି କାର୍ମାଟି ମୀରୁ ଗେଲ୍‌ପି ଆ଼ହାମାଞ୍ଜେରି ।