Hebreus 10

ମାହାପୂରୁ ଡାଗେ ହାନାୟି

19 ଏ଼ଦାଆଁତାକି ଏ଼ ତାୟିୟାଁ ଅ଼ଡ଼େ ତାଙ୍ଗିସ୍କା, ଜୀସୁ ହା଼ହାମାନାକି ମା଼ର ସୁଦୁ ଟା଼ୟୁତା ହ଼ଡାଲି କାଜା ଅଦିକାରା ବେଟା ଆ଼ହାମାନାୟି, 20 ଏ଼ୱାସି ଲେଚାମାନି ତାନି ଆଙ୍ଗା ଲେହେଁତି ଟା଼ଟିନି ହିମ୍ବରି ତଲେ ମାଙ୍ଗେତାକି ର଼ ପୁଃନି ଇଞ୍ଜାଁ ନୀଡିନି ଜିରୁ ଦେଚାମାନେସି । 21 ମାହାପୂରୁ ଇଲୁ ନୀଏଁ ମା଼ କାଜା ପୂଜେରା ତା଼ଣା ମାନେ, 22 ଏ଼ଦାଆଁତାକି ୱା଼ଦୁ, ମା଼ର ସୁଦୁ ହିୟାଁ ଅ଼ଡ଼େ ଆ଼ଟ୍‌ୱା ନାମୁଟି ମାହାପୂରୁ ନ଼କିତା ହାନ; ଇଚିହିଁ ମା଼ର ନୀଏଁ ପା଼ପୁ ଅଣ୍‌ପୁଟି ଅଟ୍‌ୱି ଆ଼ହାମାନାୟି ଅ଼ଡ଼େ ମା଼ ଆଙ୍ଗା କ୍ରୀସ୍ତତି ନେତେରି ତଲେ ନର୍‌ୱି ଆ଼ହାମାନେ ।