35 ଈଦାଆଁତାକି ମୀରୁ, ମୀ ସା଼ସା ପିହ୍ଆଦୁ ଇଚିହିଁ ଏମ୍ବାଟି ହା଼ରେକା ଦା଼ନା ମାନେ । 36 ମାହାପୂରୁତି ଅଣ୍ପୁ ପୂରା କିହାଁ ଏ଼ୱାସି ଆ଼ଞ୍ଜାମାନାଣି ବେଟାଆ଼ହାଲି ଆ଼ଡିଦେରି, ଏ଼ଦାଆଁତାକି ମୀରୁ ସା଼ସା ଆସାହାଁ ଡ଼ୟାଦୁ । 37 ଇଚିହିଁ ଦାର୍ମୁପତିତା ରା଼ସ୍କି ଆ଼ହାମାନେ,
"ଇଚିହିଁ ହା଼ରେକା ଊଣା ବେ଼ଲା ମାନେ,
ଆମ୍ବାଆସି ୱା଼ନାୟି ମାନେ, ଏ଼ୱାସି ୱା଼ନେସି;
ଅ଼ଡ଼େ ଏ଼ୱାସି ୱେ଼ଡ଼ା କିଅସି ।
38 ନା଼ ଦାର୍ମୁତି ମାଣ୍ସି ନାମୁତଲେ ନୀଡିନାସି,
ସାମା ଆମ୍ବାଆସି ନା଼ ତା଼ଣାଟି ଗୁଚା ଆ଼ନେସି,
ଆତିହିଁ ଏ଼ୱାଣି ତା଼ଣା ନା଼ ଜୀୱୁ ରା଼ହାଁ ଆ଼ଏ ।"
39 ସାମା ଆମ୍ବାଆରି ନା଼ସା ଆ଼ହାଲି ୱେଣ୍ଡେ ଗୁଚା ଆ଼ନେରି, ମା଼ମ୍ବୁ ଏ଼ୱାରି ଗଚିତି ଲ଼କୁ ଆ଼ଏ, ସାମା ଆମ୍ବାଆରି ଜୀୱୁତି ଗେଲ୍ପି ଆ଼ହାଲି ନାମିନେରି, ମା଼ମ୍ବୁ ଏ଼ୱାରି ଗଚିତି ଲ଼କୁତମି ।