ଜହନ 15

ଜୀସୁ ସାତା ଅଙ୍ଗୁରିମା଼ଡ଼ା

1 "ନା଼ନୁ ସାତା ଅଙ୍ଗୁରିମା଼ଡ଼ା, ଅ଼ଡ଼େ ନା଼ ଆ଼ବା କାମାକିନାସି । 2 ନା଼ ତା଼ଣା ମାନି ଏମିନି କମା ପା଼ଡ଼େୟି ଆ଼ୟେଏ, ଏ଼ଦାନି ଏ଼ୱାସି ଟୂଣ୍‌ହାତୁହ୍‌ନେସି; ଅ଼ଡ଼େ ଏମିନି କମା ପା଼ଡ଼େୟି ଆ଼ୟିନେ, ଗାଡି ପା଼ଡ଼େୟି ଆ଼ୟାଲି ତାକି ଜାତ୍‌ନୁ କିନେସି । 3 ନା଼ନୁ ମିଙ୍ଗେ ଏମିନି ବ଼ଲୁ ୱେସାମାଞ୍ଜାଇଁ, ଏ଼ଦାଆଁତାକି ଜାତ୍‌ନୁ ଆ଼ହାମାଞ୍ଜେରି । 4 ନା଼ ତା଼ଣା ଡ଼ୟାଦୁ ଆତିହିଁ ନା଼ନୁ ମୀ ତା଼ଣା ଡ଼ୟିଇଁ । କମା ଏ଼ନିକିଁ ଅଙ୍ଗୁରିମା଼ଡ଼ାତା ଡ଼ୟାଆସାରେ ତାନିତା଼ଣାଟି ପା଼ଡ଼େୟି ଆ଼ୟାଲି ଆ଼ଡେଏ, ଏଲେକିହିଁଏ ମୀରୁ ଜିକେଏ ନା଼ ତା଼ଣା ଡ଼ୟାଆସାରେ ପା଼ଡ଼େୟି ଆ଼ୟାଲି ଆ଼ଡଅତେରି ।"

5 "ନା଼ନୁ ଅଙ୍ଗୁରିମା଼ଡ଼ା ମୀରୁ କମାୟାଁ, ଆମ୍ବାଆସି ନା଼ ତା଼ଣା ଡ଼ୟିନେସି ଅ଼ଡ଼େ ନା଼ନୁ ଆମ୍ବାଆରି ତା଼ଣା ଡ଼ୟିଇଁ, ଏ଼ୱାସି ହା଼ରେକା ପା଼ଡ଼େୟି ଆ଼ୟିନେସି; ଇଚିହିଁ ନା଼ ପିସ୍‌ପେ ମୀରୁ ଏ଼ନାଆଁ କିହାଲି ଆ଼ଡଅତେରି ।