Marcos 16

ଜୀସୁ ୱେଣ୍ତେ ନିଙ୍ଗିନାୟି

1 ଜ଼ମିନି ଦିନା ରାୟାଲିଏ ମଗ୍‌ଦଲିନି ମରିୟମ, ଜାକୁବ ତାମି ଇୟା ମରିୟମ, ଇଞ୍ଜାଁ ସାଲମି ଗାନ୍ଦାଗାଟି ନିୟୁଁ କଡିତୁ, ଏ଼ନିକିଁ ଏ଼ୱି ହାଜାହାଁ ଜୀସୁ ଆଙ୍ଗାତା ରୁବାଲି ଆ଼ଡିନୁ । 2 ଏ଼ୱି ୱା଼ରାତି ମୂଲୁ ଦିନା ଲା଼ଇ ୱେ଼ଡ଼ା ହ଼ନି ବେ଼ଲାତା ମାହ୍‌ଣି ମାଣ୍ତାତା ହାଚୁ । 3 ଏ଼ୱି ତା଼ମ୍ବୁ ତା଼ମ୍ବୁ ୱେସ୍‌ପି ଆ଼ହିମାଚୁ, "ଆମ୍ବାଆସି ମାଙ୍ଗେତାକି ମାହ୍‌ଣି ମାଣ୍ତା ଦୁୱେରିତି ୱାଲି ଊସିକିହା ହିୟାନେସି ?" ଏ଼ନାଆଁତାକି ଇଚିହିଁ ଏ଼ ୱାଲି ହା଼ରେକା କାଜାୟି ମାଚେ । 4 ସାମା ଏ଼ୱି ଏମ୍ବାଆଁ ସିନିକିନି ବେ଼ଲାତା, ୱାଲି ଊସିକିୱି ଆ଼ହାମାଚେ । 5 ଏ଼ୱି ମାହ୍‌ଣି ମାଣ୍ତାତା ହ଼ଡାହାଁ ଦବ୍‌ଲା ହିମ୍ବରି ହୁଚାମାନି ର଼ ଦାଂଗ୍‌ଣେଏଣାଇଁ ଟିଃନିୱାକି କୁଗାମାନାଣି ମେସାହାଁ ହା଼ରେକା କାବାଆ଼ତୁ ।

6 ଏମ୍ବାଟିଏ ଏ଼ୱାସି ଏ଼ୱାସିକାଣି ଏଲେଇଚେସି, "ଆଜାଆଦୁ; ମୀରୁ ପା଼ସି ମୁଣ୍ତାତା ହା଼ହାମାନି ନା଼ଜରିତ ଜୀସୁଇଁ ପାରିମାଞ୍ଜେରି; ଏ଼ୱାସି ନିଙ୍ଗାମାନେସି, ଏ଼ୱାସି ଇମ୍ବାଆଁ ହିଲଅସି, ମେହ୍‌ଦୁ ଇମ୍ବାଆଁ ଏ଼ୱାଣାଇଁ ଇଟାମାଚେରି । 7 ✝୧୬:୭ ମାତି ୨୬:୩୨; ମାର୍କ ୧୪:୨୮ସାମା ମୀରୁ ହାଜାହାଁ ତାମି ସୀସୁୟାଁ ଇଞ୍ଜାଁ ପିତରଇଁ ୱେହ୍‌ଦୁ, ଏ଼ୱାସି ମୀ ନ଼କି ନ଼କିତା ଗାଲିଲିତା ହାଜିମାନେସି; ଏ଼ୱାସି ମିଙ୍ଗେ ଏ଼ନିକିଁ ୱେସାମାଞ୍ଜାତେସି, ଏଲେକିହିଁଏ ମୀରୁ ଏ଼ୱାଣାଇଁ ଏମ୍ବାଆଁ ମେହ୍‌ଦେରି ।"

8 ଏମ୍ବାଟିଏ ଏ଼ୱି ମାହ୍‌ଣି ମାଣ୍ତାଟି ହଟୁ, ଇଚିହିଁ ଏ଼ୱି କାବା ଆ଼ହାଁ ଆଜିତାକି ତୀର୍‌ଗିମାଚୁ, ଇଞ୍ଜାଁ ଆମ୍ବାଆରାଇଁ ଏ଼ନାଆଁ ୱେହ୍‌ଆତୁ*୧୬:୮ ଏ଼ୱି ପିତର ତଲେ ମାଚି ବାରେ ଲ଼କୁତା଼ଣା ଏ଼ କାତା ୱେସ୍ତୁ । ୧୬:୨୦ ଈଦାଆଁ ଡା଼ୟୁ, ଜୀସୁ ତା଼ନୁଏ ଜିକେଏ ଏ଼ୱାସିକା ତଲେ ସୁଦୁ ଅ଼ଡ଼େ କା଼ଲାକା଼ଲାତି ଗେଲ୍‌ପି ଆ଼ନାଣି ୱେ଼କ୍‌ହାଲି ତାକି ୱେ଼ଡ଼ା ହ଼ପୁ ୱାକିଟି ୱେ଼ଡ଼ା ହାନି ୱାକି ପାଣ୍ତିତେସି । ।

ଜୀସୁ ମଗ୍‌ଦଲିନି ମରିୟମଇଁ ତ଼ଞ୍ଜା ଆ଼ନାୟି

9 ୱା଼ରାତି ମୂଲୁତି ଦିନା ଲା଼ଇସିଏ ଏ଼ୱାସି ୱେଣ୍ତେ ନିଙ୍ଗାହାଁ, ଆମିନିଗାଟାଣି ସା଼ତାଗଟା ବୂତୁୟାଁ ପିସ୍‌ପି କିହାମାଚେସି, ଏ଼ ମଗ୍‌ଦଲିନି ମରିୟମନି ତଲିଏ ତ଼ଞ୍ଜାଆ଼ତେସି । 10 ଏ଼ଦି ହାଜାହାଁ ଆମିନି ଗାଟାରି ତାମିତଲେ ମାଚେରି, ଏ଼ୱାରାଇଁ ୱେସ୍ତେ; ଇଚିହିଁ ଏ଼ୱାରି ଦୁକୁଟି ଡ଼ୀହି ମାଚେରି । 11 ଜୀସୁ ନୀଡାମାନେସି, ଇଞ୍ଜାଁ ଏ଼ଦାନି ତ଼ଞ୍ଜା ଆ଼ହାମାନେସି, ଈଦାଆଁ ୱେଞ୍ଜାହାଁ ଏ଼ୱାରି ନାମାଆତେରି ।

ଜୀସୁ ରୀ ସୀସୁୟାଁଣି ତ଼ଞ୍ଜା ଆ଼ନାୟି

12 ଏଚେଟିଏ ଈ ବାରେ ଆ଼ତି ଡା଼ୟୁ ଏ଼ୱାରି ବିତ୍ରାଟି ରୀ ସୀସୁୟାଁ ର଼ ନା଼ୟୁଁତା ହାଜିମାଚାଟି ଏ଼ୱାସି ଅ଼ର ୱା଼ଣା ତଲେ ଏ଼ୱାରାଇଁ ତ଼ଞ୍ଜାଆ଼ତେସି, 13 ଇଞ୍ଜାଁ ଏ଼ୱାରି ହାଜାହାଁ ଏଟ୍‌କା ତାରାଇଁ ୱେସ୍ତେରି; ସାମା ଏ଼ୱାରି କାତା ଜିକେଏ ଏ଼ୱାରି ନାମାଆତେରି ।

ଜୀସୁ ଏଗାର ଜା଼ଣା ସୀସୁୟାଁଇଁ ତ଼ଞ୍ଜା ଆ଼ନାୟି

14 ଏମ୍ବାଟିଏ ଏଗାର ଜା଼ଣା ସୀସୁୟାଁ ତିଞ୍ଜାଲି କୁଗାମାଚାଟି ଜୀସୁ ଏ଼ୱାରାଇଁ ତ଼ଞ୍ଜାଆ଼ତେସି ଇଞ୍ଜାଁ ଏ଼ୱାରି ନାମିହିଲାଆତାକି ଇଞ୍ଜାଁ ହିୟାଁତି ଆ଼ଟ୍‌ୱାତାକି ଏ଼ୱାରାଇଁ ଦାକା ହୀତେସି, ଇଚିହିଁ ଆମିନି ଗାଟାରି ଏ଼ୱାଣି ୱେଣ୍ତେ ନିଙ୍ଗିତାଣି ମେସାମାଚେରି, ଏ଼ୱାରି କାତା ଏ଼ୱାରି ନାମା ହିଲାଆତେରି । 15 ଇଞ୍ଜାଁ ଜୀସୁ ଏ଼ୱାରାଇଁ ଏଲେଇଚେସି, "ମୀରୁ ବାରେ ଦାର୍‌ତିତା ହାଜାହାଁ ବାରେ କୂଡ଼ାତି ଲ଼କୁତା଼ଣା ନେହିଁ କାବ୍ରୁ ୱେହ୍‌ଦୁ । 16 ଆମ୍ବାଆସି ନାମାନା ବାପ୍ତିସ୍ମ*୧୬:୧୬ ମୁଞ୍ଜିନାୟି ଅ଼ନେସି ଏ଼ୱାସି ଗେଲ୍‌ପି ଆ଼ନେସି; ସାମା ଆମ୍ବାଆସି ନାମଅସି ଏ଼ୱାସି ଡଣ୍ତ ବେଟାଆ଼ନେସି । 17 ଇଞ୍ଜାଁ ନାମିନାରାକି ଈ ସିନାୟାଁ ଆ଼ନୁ, ଏ଼ୱାରି ନା଼ ଦ଼ରୁତଲେ ବୂତୁୟାଁ ପିସ୍‌ପି କିନେରି, ପୁଃନି ପୁଃନି ହା଼ଡାତଲେ ଜ଼ଲିନେରି, 18 କେସ୍କାତଲେ ରା଼ସ୍‌କା ଆହ୍‌ନେରି, ଇଞ୍ଜାଁ ହା଼ନି ଅସ ଗସ୍ତିହିଁ ଜିକେଏ ଏ଼ୱାରି ଏ଼ନାଆଁ ଆ଼ଅରି; ଏ଼ୱାରି ନ଼ମେରି ଦୁକା ଗାଟାରି ଲାକ କେୟୁ ଇଟିତିହିଁ ଏ଼ୱାରି ନେହିଁ ଆ଼ନେରି ।"

ଜୀସୁ ଲାକପୂରୁ ଅ଼ୱିଆ଼ନାୟି

19 ✝ ୧୬:୧୯ କାମା ୧:୯-୧୧ ଇଲେକିହିଁ ଏ଼ୱାରାଇଁ ବାରେ କାତା ୱେସ୍ତି ଡା଼ୟୁ ଜୀସୁ ଲାକପୂରୁ ଅ଼ୱିଆ଼ହାନା ମାହାପୂରୁତି ଟିଃନିୱାକି କୁଗିତେସି । 20 ସାମା ଏ଼ୱାରି ହାଜାହାଁ ବାରେୱାକି କାବ୍ରୁ ୱେସ୍ତେରି, ଇଞ୍ଜାଁ ପ୍ରବୁ ଜୀସୁ ଏ଼ୱାରିତଲେ କାମା କିହାଁ ତାନି ବାରେ ସିନାୟାଁ ତଲେ ଏ଼ୱାରି ୱେ଼କ୍‌ହାମାନାଣି ସାତା ଇଞ୍ଜିଁ ତ଼ସ୍ତେସି ।