Nde ŋiniŋgir ŋgari ŋaari ganɨri, nta Fhe Bakɨme han kega zegi ŋina o, ŋiniŋgi mbatɨgi khar ŋgari.
1 4.1: Mt 7.15; 24.4-5; 24.24; 1 Te 5.21; 2 Pi 2.1; 1 Zo 2.18; 2 Zo 1.7; VB 2.2 Nde nan kɨvntogi, Fhe Bakɨme kamthooŋ gumgir wari guiguigi gumgi vhɨrve, mbe tamtam kha nuianan rurga. Maaŋ muuŋgip, nden han zɨv khaŋ suanga gumgi, "Fhe Bakɨme Ŋina Ŋaar kha kamen na nɨɨŋgi." Nde za mbe khothivɨ thari. Nde mbe mbui ŋaari gu mbe nzuai buni mbararari. Nde maaŋ muuŋv, nde kaŋgirga khe Fhe Bakɨme han kega zɨgi o, fhuvara. 2 4.2: 1 Ko 12.3; 1 Zo 5.1Nde Fhe Bakɨme Ŋina Ŋaar gangip, ana hiarga, ne khaŋ muuŋgi. Nde mbarararga khaŋ nzuai guma, "Zisas Krais, ana guigira kha nuianan zergap, guma guara gegi." Maaŋ nzuai guma, Fhe Bakɨmen Ŋina Ŋaar mba guman vhen ki. 4.2 Zon kha gava khergi tugen, Fhe Bakɨmen kamthoon gumgir wari ga shɨkshɨgi gumgi mbari, mbe fhura guiguigiap Zisas Kraisan tɨvir gumgi gu mbigi ga nzuav rui. Nza mba gumgi nzua rui buni, nza tuituigia nta kaŋgi fhuvara. Mba bigi kaŋgi gumgi mbari, mbe kha ndɨkndɨga mbui. Mbe khaŋ muuŋgia mba gumgi gu mbigi khɨvav mbe nzuai. Mbe khaŋ nzuai, "Zisas gu Krais, mani wanira fara muuŋgi fhuvara." Mbe khaŋ nzuai, "Krais, ana fhum fhum guarara, Fhe Bakɨme han ki kameŋ ma." Ndu Zon 1.1 ganɨri. Ana Fhe Bakɨmen Kam ma. Khueŋ guigi guarara, Krais, ana guma guara gegi. Fhe Bakɨme taagip kha gumgi gu mbigi ndir zav mba ŋaara muuŋgi. Ana Krais farver mba ŋaara muuŋgi. Kha guma Zisas, ana haa nuianan kav mba bigi ga muuŋgiap, ana zumgum rimgi. Ana vhɨra taagia kha nuianan ki gumgi gu mbigi ndi ŋaarar kurigi fhuvara. Mbe maaŋ nzuaim, Zon maaŋ muuŋgiap khaŋ nzuai, "Mba Fhe Bakɨme kamthooŋ gumgir wari ga shɨshɨgi gumgi nzuai buni, nta guigira buni guari fhuvara. Zisas Krais ana Fhe Bakɨmen Kam ma. Ana guma guara gegi. Ana muuŋgi ŋaar, ana ŋaara bavira muuŋgi." 3 4.3: 2 Te 2.7; 1 Zo 2.18; 2.22; 2 Zo 1.7Nde maaŋ muuŋgip mbarararga, guma mba khesharigi kamen Zisas ga nzuai fhu, mba guma, ana harigi ŋina ana vhen ki. Mba ŋina, ana Fhe Bakɨme han kega zɨgi fhuvara. Mba ŋina, ana Kraisan pana guman ŋina ma. Nde fhum mba guma zɨrga kameŋ mbararagi. Ana ŋina ntige zɨgap, kha nuianan ki. 4 4.4: Mt 12.29; Zo 16.33; 1 Ko 2.12; Ef 2.2; 6.12; 1 Zo 5.4-5Nde nan tari, nde Fhe Bakɨme ntɨɨri ma. Nde Fhe Bakɨme kamthooŋ gumgir wari guiguigi gumgi, nde mbe daaŋgia mbur khɨngi. Nde khaŋ muuŋgiap, nden vhen ki Ŋina Ŋaar, ana kha nuiana gumgir vhen ki ŋina, ana ana kambarigi.