Fhe Bakɨme nza vhɨzgi gumgi, ana nza muuŋgim, nza Krais phorgap zazera mbara muuŋgiap ki bɨɨŋbɨɨŋ ndigi.
1 2.1: Ef 4.18; Kor 1.21 2.1: Kor 2.13 Nde fhum, nde Fhe Bakɨme vuzvugi tɨvi daasuav, tɨvi mbatɨgi ga mbuim, nta nde shogim, nde vhɨzgi gumgi fara muuŋgiap ki. 2 2.2: Zo 12.31; Ef 5.6; 6.12; Kor 1.21; 3.6-7; Ta 3.3Nde mba tugivigen, nde kha nuianan tɨvi mbatɨgi, nde nta zɨn vuav, wari rui. Nde kha buivar ki ŋiniŋgi mbatɨgi gari guman pan, nde ana tɨvi zɨn vegi. Mba ŋina mbatɨk, ana ŋkasŋka ntigem Fhe Bakɨme buni daasui gumgi gu mbigi ndavi vheri gari. 3 2.3: Ro 5.12; Ga 5.16; Kor 3.6; Ta 3.3; 1 Pi 4.3Nza fhum, nza zam mba gumgi phorga kav, nza wari won ndavi vuri tɨvi zɨn vov, nza wari wo vuzvugi mbatɨgi, nza ntara zɨn vui. Nza maaŋ muuŋgiap kav, nza mba khesharigi tɨvi ga mbui gumgi gu mbigi, Fhe Bakɨme nza nzuav guigira ndav shigap nza nzuav vheza bevahegim, ana mbur ki. Nza ana ndige.
4,5 2.4-5: Ru 15.24; 15.32; FG 15.11; Ro 5.6-10; 6.4-5; 6.13; 10.12; Ef 1.7; 2.1; 2.7; Kor 2.12-13 Khueŋ guigira, nza mbui tɨvi mbatɨgi nza shogim, nza vhɨzgi. Nza za vhɨzgi gumgi fara muuŋgiap wari ki. Nza maaŋ muuŋgim, Fhe Bakɨmen kora muumbar, ana guigira kɨvgi. Ana guigira won ndavar nza nɨɨŋgi. Ana maaŋ muuŋgiap, nza muuŋgim, nza Krais phorgap taagia khavgi fara muuŋgiap wari kav, nza tɨvir ŋkaa zɨn vui. Ahaŋ, Fhe Bakɨmen kora muumbarara, ana taagia nza ndigi. 6 2.6: Ef 1.20; Kor 2.12Ana Krais rimgim, ana taagia ana khavi fara muuŋgiap, ana vhɨra nza khavgi. Ana nza khavgiap, nza muuŋgim, nza vhɨra Krais phorgap, Hevenan ŋgui vhɨrve gari guman pan pigi mpirmpirɨga piigi. 7 2.7: Ef 1.7Ana Krais Zisas muuŋgi ŋaarar panan, ana mba tɨvar vhuun nza mbui. Ana khaŋ muuŋgi ne nzuav, ana guigira won kora muumbara bakɨmen za kha gumgi khɨvɨv ŋgɨp, zumtugum, ana vhɨra mbe khɨvɨrga. 8 2.8: Zo 4.10; Ro 4.16; 10.14-17; Fi 1.29; 2 T 1.9; Hi 6.4Nde ne nzuav guigira Krais khothɨgim, Fhe Bakɨme won kora muumbarara, ana taagia nde ndigi. Khe nde nduarira muuŋgi bigeŋ fhuvara. Zakɨra fhuvara! Fhe Bakɨme fhura mba bigen nde nɨɨŋgi. 9 2.9: Ro 3.20; 3.27; 4.2; 1 Ko 1.29-31; 2 T 1.9Khe nde ŋaara the muuŋgim, ana nen vhezar nde nɨɨŋgi fhuvara. Nde ne suaŋv nde guma the nduara wo zɨ ndiv vun kuamkua thari. 10 2.10: 1 Ko 3.9; 2 Ko 5.5; 5.17; Ef 4.24; Ta 2.14Fhe Bakɨme Krais Zisasan panan, ana nza muuŋgim, nza won ndava vura tɨvi vhɨzgiap, nza tɨvir ŋkaa zɨn vui gumgi gu mbigi ki. Nza ntigem mba Fhe Bakɨme fhum nza nzuav, mba tɨvir vhuuiŋ zɨn vui tuav, ana ana bevahegim, ana ki. Nza ntigem mba tuavar ŋgɨrga.