Krais, ana wo mbevigim, Fhe Bakɨme ana suirav, ana vun fegi.
5 2.5: Mt 11.29; Zo 13.15; 1 Pi 2.21; 1 Zo 2.6 Nde Krais Zisas suirigi ndɨkndɨgara suirari. 6 2.6: Zo 1.1-2; 5.18; 10.33; 17.5; 2 Ko 4.4; Kor 1.15; Hi 1.3Ana Fhe Bakɨ guar ma. Ana ne ndɨkndɨgap, ana Fhe Bakɨ guar ki tɨva muuŋgiap ki fhuvara. Zakɨra fhuvara! 7 2.7: Zo 1.14; 2 Ko 8.9; Ga 4.4; Hi 2.14; 2.17Ana wo vuzvugara mba tɨva thav, ana fhura ŋaara guma khɨn ki. Ana guma guara fara muuŋgiap ki. 8 2.8: Mt 26.39; 26.42; Zo 10.17-18; Ro 8.3; Hi 5.8; 12.2Kha gumgi ana garim, ana guma guara gegap ki. Ana kav, ana guigira wo mbevav, ana Fhe Bakɨme nzuai buni zɨn vov kav, ana vhɨra Fhe Bakɨme vuzvuga zɨn vov, rimgi. Ahaŋ, ana mbara muuŋgiap, ana vuzvuga zɨn vov, kav, mbe ana ndim, khanarareŋ ga ntorgim, ana rimgi. 9 2.9: Zo 17.1-5; FG 2.33; Ef 1.20-21; Hi 1.3-4Mba bigɨna nɨɨeŋra nzuav, Fhe Bakɨme ana suirav, ana vun fegim, ana guigira vu guarara ki. Ana zɨ mben ana nɨɨŋgi, mba zɨ ana guigira mba harigi zɨri kambarigi. 10 2.10: Mt 28.18; Ro 14.11; VB 5.132.10: Ais 45.23Fhe Bakɨme maaŋ muuŋgiap mba zɨ bakɨme Zisas ga nɨɨŋgim, mba Hevenan ki bigi, gu nuianan ki bigi, nuiana piin ki bigi, nta zam, ana nɨman thɨvi phɨrɨv, ana piin kɨrga. 11 2.11: Zo 13.13; FG 2.36; Ro 10.9; 1 Ko 8.6Nta zam, ana bun suaŋv khaŋ suanga, "Zisas Krais, ana Guma Bakɨme ma." Mbe mba tɨvar muuŋv, mbe zɨ bakɨmen nzan Ndia Fhe Bakɨmen nɨɨnga.