Pita khaŋ nzuai, "Gu Zisas kaŋgi fhu."
69 Pita mba phena bɨna vhen hin perav kim, mba phenan ŋaara mbiga mbe ana han zav, khaŋ nzuai, "Ndu vhɨra Gariri guma Zisas phorga kegi." 70 Ana maaŋ nzuaim, Pita khaŋ nzuai, "Fhuvara." Ana ne nzuav za mba gumgi nɨman khaŋ nzuai, "Gu ndu nzuai buneŋ kaŋgi fhuvara." 72 Pita wom wo ndi zaahegap khaŋ nzuai, "Guigi guarara, kha vu guma ma, gu mba guma kaŋgi fhuvara!" 74 26.74: Mk 14.71Mbe maaŋ ana nzuai, Pita thav kama havharara khaŋ nzuai, "Guigi guarara, kha vun ki guma na kaŋgi, gu mba guma kaŋgi fhuvara. Gu guigirim, Fhe Bakɨme mbar nan farfa." Ana ne nzuavra thagim, tuar vhemkora furigi. 75 26.75: Mt 26.34; Mk 14.30; Ru 22.61-62; Zo 13.38Tuar furigim, Pita mba Zisas suaŋgi kameŋ ndɨrigi. Zisas fhum khaŋ ana suaŋgi, "Tuar ntigar furga, ndu fhumra na ndi zaahɨ mpuani khegenen muuŋgirga." Pita nai ndɨrga, thav kɨrar hɨgap, nzi mbatɨga mbui.