Nza Fhe Bakɨme zɨ ndi vun kuamkuarga.
33 11.33: Jop 11.7; Sng 36.6; 92.5; Ais 55.8-9 Mbaia, Fhe Bakɨmen tɨvir vhuuiŋ gum ndɨkndɨgir vhuuiŋ gum, ana ndɨkndɨk bakɨme, nta guigira kɨvgi. Nta kɨvgiap, guigira mbasɨk kogim, ana khɨna gari fhuv fara muuŋgi! Nza kha nuianan ki gumgi, nza za ana ndɨkndɨgi nɨɨŋge kaŋgirga tuktɨgi fhuvara. Nza vhɨra ana mbui tɨvi, nza za nta kaŋgirga tuktɨgi fhuvara. 34 11.34: Jop 15.8; 36.22; Ais 40.13; 1 Ko 2.16Fhe Bakɨme buni vhuuiŋ ki gap ne suaŋgi, "The Guma Bakɨme ndɨkndɨgi kaŋgi? The ndɨkndɨgir ana nɨɨŋgi? 35 11.35: Jop 35.7; 41.11The fharav bigir Fhe Bakɨme nɨɨŋgim, ana mba bigi ŋgarkarie?" Zakɨra fhuvara! 36 11.36: 1 Ko 8.6; Ga 1.5; 2 T 4.18; Hi 13.21; 2 Pi 3.18Nza kaŋgi, Fhe Bakɨme, ana nduara kha nuian gu buiva mbuav, ana za kha bigi ga muuŋgi nɨɨŋge ma. Kha bigi, nta za ana bigi ma. Nza zazera ana zɨ ndi vun kuamkuarga. Nai guigi guarira.