Guma guigira Krais khothɨgi, ana kha zɨ ki, tɨvir vhuuiaŋ mbui guma.
21 3.21: FG 10.43; 15.11; 26.22; Hi 11.4; 1 Pi 1.10 Ntigem Fhe Bakɨme tɨvir vhuuiaŋ mbui gumgi gu mbigir nzan kaai tɨv kɨrar hɨgi. Mba tɨv, ana Fhe Bakɨme Moses ga nɨɨŋgi tɨvi zɨn vui ne nzuav kɨrar hɨgi fhuvara. Zakɨra fhuvara! Ana harigi tuavra kɨrar hɨgi. Fhe Bakɨme Moses ga nɨɨŋgi tɨvi nza nzuai kameŋ gum Fhe Bakɨmen kamthooŋ gumgi suaŋgi buni ki gavi, nza Fhe Bakɨme muuŋgirga tɨvi bun nzuai. 22 3.22: Ro 1.17; 10.12; Ga 2.16; 3.28; Kor 3.11Mba tɨv khaŋ muuŋgi, mba guigira Zisas Krais khothɨgi gumgi gu mbigi, Fhe Bakɨme za tɨvir vhuuiaŋ mbui gumgi gu mbigir mben kaai. Mbe Zudaiŋ gum mba harigi fhaiŋ ŋgui gumgi, mbe zam, Fhe Bakɨme tɨva bavira mben muunga. 23 3.23: Ro 3.9; 5.2; 11.32; Ga 3.22Nza kha nuianan ki gumgi gu mbigi, nza za tɨvi mbatɨgi ga muuŋgi. Nza Fhe Bakɨme muungen nza vuzvugi tɨvir vhuuiŋ vhɨrve nza za ntan muuŋgirga tuktɨgi fhuvara. 24 3.24: Ro 5.1; Ef 1.7; 2.8; Kor 1.14; 1 T 2.6; 1 Pi 1.18-19Fhe Bakɨme fhura nza kora muuŋgiap, ana Krais Zisas muuŋgi ŋaarar panan, ana taagi nza vhezgiap, nza ndigap, kha zɨn nzan kaai, nza tɨvir vhuuiaŋ mbui gumgi gu mbigi ma. Nza nduarira ŋaara vhuuŋ the muuŋgi ne nzuav, ana tɨvir vhuuiaŋ mbui gumgi gu mbigir nzan kaai fhuvara. Zakɨra fhuvara! Fhe Bakɨme fhura Krais Zisasan ŋaara panan mba zɨn nza nɨɨŋgi. 25 3.25: FG 13.38-39; 17.30; Ef 1.7; Kor 1.20; Hi 9.15Fhe Bakɨme Zisas farasarigi, ana rimgip won vɨzɨna siasuarga, guigira ana khothɨgi gumgi gu mbigi, ana vɨzɨn mbe muuŋgi tɨvi mbatɨgi ruagiri, nta vhɨzgirga. Ana won tɨvar vhuun nza khɨvɨr zav maaŋ muuŋgi. Fhum, Fhe Bakɨme mbarara kha gumgi gu mbigi ga mbuav, ana mbe muuŋgi tɨvi mbatɨgi ga nzuav vheza mbatɨgar mbe ndɨɨi fhuvara. 26 Fhe Bakɨme ntigem khuen nza khɨvigi, ana nduara tɨvir vhuuiaŋ mbui Fhe Bakɨme ma. Ana tɨvar vhuuŋ zɨn vov, ana guigira Zisas khothɨgi gumgi gu mbigi, ana tɨvir vhuuiaŋ mbui gumgi gu mbigir mben kaai.