1 Tessalonicenses 5

Isasale Sama ya Kwiza kwa Mndewa

1 Ndugu zetu, mmbuli ya kipigiti na msimu wa mbuli zino zose vondazilawilile, twabule kilamso cha kuwandikila. 2 Kwavija movitanga goya kamba Zua da Mndewa dokwiza kamba vija m’bavi voyokwiza mkipigiti cha ikilo. 3 Kipigiti wanhu vowolonga, "Hana tindiwalo na upile," baho ubananzi hondauwezile mkuwasinhukiza kamba vija usungu wa kulela mwana vuumwizila mtwanzi yali na inda, na hawadaha kunyelenhuka. 4 Ila mweye, ndugu, hamuli mdiziza avo zua dino hadiwasinhusa kipigiti vondadize kamba m’bavi. 5 Mweye mose mwa wana wa mulangaza na wana wa imisi. Tweye hatuli wana wa ikilo ama wa ziza.