2 Coríntios 9

6 Kumbukileni kamba munhu yohanda mbeyu ndodo kohuna vakuja vidodo, na munhu yohanda mbeyu bwando kohuna vakuja bwando. 7 Kila munhu yalave kija chayalamule mmoyo wake kulava, sio na shuluti ama na giogio, kwavija Mulungu komnogela munhu yolava mkudeng’ha. 8 Na Mulungu kodaha kuwagwelela mweye vinhu bwando, giladi m’vinhu vose m’vipigiti vose mpate vinhu vose vimulonda, na msang’hano yoyose inogile momemezelwa. 9 Kamba vija viyandikigwe Mzinyandiko Zing’alile,

"Kapwililisa, kawagwelela wakumbulu,

moyo wake unogile wabule nziga."*9:9 Mbuli zino zolawa mkitabu cha ZABULI 112:9.

10 Na Mulungu yolava mbeyu ha mwene kuhanda na mkate sama ya mandia, vivija kokwiza kulava na kongeza makano genu ga mbeyu na kongeza mahuno genu ga kuwa bule uzenzeleganye. 11 Mazua gose kowatenda muwe wagoli giladi m’vipigiti vose mulave, avo wanhu bwando womuheweza Mulungu sama ya vinhu vija vimulavile vawabokele kulawa kumwetu. 12 Kwavija sang’hano ino imuitenda sio tu kuwagolela vinhu wanhu wa Mulungu, ila vivija mokongeza ng’hani vilamso va kumuheweza Mulungu.