Atos 7

44 "Wahenga zetu wakala na hema da usindila muluwala. Itendigwa kamba Mulungu viyamulongele Musa kamba vija viyalagusiligwe. 45 Viwadibokele hema dija kulawa ha watata zao, watata zetu kuno wolongozwa na Yoshua, wengila nayo kipigiti viwaisolile iisi ya Wamhazi Mulungu yaawawingile haulongozi wao. Isigala muisi mbaka kipigiti cha Daudi, 46 ayo yageligwe bazi da Mulungu na kupula yamzengele ng’anda Mulungu wa Yakobo. 47 Ila Selemani iyo yaizengile ng’anda ya Mulungu.

48 "Ila Mulungu Mkulu Ng’hani hakala mng’anda izengigwe na wanhu, kamba muhokozi viyolonga,

49 ‘Mndewa kolonga, Ulanga kicho kigoda changu cha undewa,

na isi kicho kigoda cha kwikila magulu gangu.

Ng’anda ya vilihi yondamunizengele nie?

Ama kwahi hondauwe ukazi wangu?

50 Sio mkono wangu utendile vinhu vino vose?’*7:50 Mbuli zino zolawa mkitabu cha ISAYA 66:1-2.