MWANDUSO 1

20 Abaho Mulungu kalonga, "Mazi na gameme vinhu vili na ugima. Na ndege waguluke kuulanga." 21 Avo Mulungu kawalumba wang’onyo wakulu wa m’bahali na kila kinhu kili na ugima kitembela mmazi na ndege wa kila namna. Na Mulungu kanogelwa na kija kiyatendile. 22 Mulungu kawamoteza na kulonga, "Leleni mkongezeke muimemeze bahali, na ndege wongezeke muisi." 23 Iwa ichungulo, iwa imitondo, zua da tano.

24 Abaho Mulungu kalonga, "Wang’onyo wa kila namna wene ugima nawalawilile muisi, wang’onyo wofugigwa na wang’onyo wa kumuhulo, wakulu na wadodo." Ilawilila kamba viyalongile.