LUKA 9

Yesu Kowatuma Watumigwa Longo Dimwe na Wabili

1 Yesu kawakema watumigwa zake longo dimwe na wabili hamoja, kawagwelela mhiko na udaho wa kuwinga vinyamkela wose na kuhonya vitamu. 2 Abaho, kawalagiza wachole kuupeta Undewa wa Mulungu na kuwahonya watamu. 3 Kawalongela, "Sambimsole kinhu chochose mmwanza wenu, fimbo ama mkoba ama mandia ama hela ama kanzu ya ikabili. 4 Ng’anda yoyose yondamwingile, kaleni baho mbaka vondamsegele hakiwambo hicho. 5 Wanhu wahalema kuwabokela, segeleni hakiwambo kija, kung’unheni timbwisi dili mmagulu genu kamba usindila ulagusa hewo wenyego waulema Undewa wa Mulungu."

6 Avo wasegela, wabita m’viwambo vose wopeta Usenga Unogile na kuhonya wanhu kila hanhu.