MATAYO 3

Yohana M’batiza Kowapetela Wanhu

1 Mazua higo Yohana M’batiza keza, yowapetela wanhu mkiwala cha Yudea, 2 kalonga, "Lekeni vilozo venu, kwavija Undewa wa Kuulanga ukwenhuka!" 3 Kwavija Yohana iyo yalongigwe na muhokozi Isaya, viyalongile,

"Munhu kenula dizwi muluwala, yolonga,

‘Itandeni nzila ya Mndewa,

Mgoloseleni nzila zake!’ "

4 Yohana kavala guo ditendigwe na mijusu ya ngamia na lukumbulu lwa kwembe mchuno chake, na mandia gake gakala nzige na uki. 5 Wanhu kulawa Yelusalemu, kulawa muisi yose ya Yudea na ng’ambu zose za Mdibonde da Yolodani, wamcholela. 6 Wavilonga vilozo vao haulongozi wa wanhu, na heyo kawabatiza muna Ulwanda lwa Yolodani.