Mateus 8

Yesu Kowahonya Wanhu Wabili Wali na Vinyamkela

28 Yesu viyavikile mwambu uyagwe wa idilamba hana iisi ya Gadala, kaiting’hana na wanhu wabili wali na vinyamkela wakalile wolawa mmapanga. Wakala wodumbiza ng’hani mbaka hakukalile na munhu yadahile kubita nzila iyo. 29 Waguta nyangi, walonga, "Kotulonda choni, Mwana wa Mulungu? Kwiza kutugaza kipigiti king’hali hakinavika?"*8:29 Kipigiti king’hali hakinavika nhegulo yake kipigiti cha ikimambukizo cha ulumwengu Mulungu kuwatagusa wanhu wali muisi.

30 Behi na aho kukala na dale kulu da mitumbi wodila. 31 Vinyamkela wamuyalalila Yesu, walonga, "Uhatuwinga, tuleke tuchole tukengile mdidale dija da mitumbi."

32 Yesu kawalongela, "Gendeni!" Avo walawa, wachola kuwengila mitumbi. Baho dale jose da imitumbi dihumulukila kubonde mdigema, dingila mdilamba na kudanganhika mmazi.

33 Waja iwanhu wakalile wowachunga imitumbi wakimbila, wachola hana ikiwambo na kuwalongela wanhu mbuli zose, hamoja na gaja gawalawilile waja wanhu wakalile na vinyamkela. 34 Avo, wanhu wose wa ikiwambo kija walawa, wamcholela Yesu, na viwamuwene, wamuyalalila yahalawe muisi yao.